ئەنجومەنى نوێنەران: ئەگەرى دوورخستنەوەى ترەمپ لە دەسەڵات لە ئارادایە

هەواڵ / جیهان :: 22/04/2019‌ :: 182‌ جار بینراوە

تاگ :: جیهان

دواڕۆژ

دوێنێ (یەکشەممە ٢١ى نیسان) ئەندامێکى دیارى دیموکراتەکان لە ئەنجومەنى نوێنەرانی ئەمریکا  ئاشکرایکرد، کە لەماوەى هەفتەى داهاتوودا، حزبەکەى تاوتۆى ئەگەرى لادانى ترەمپ لە دەسەڵاتەکەى دەکات لەناو ئەنجومەنى نوێنەرانەوە ئەگەر پەسەند بکرێت.


ئادەم شیف سەرۆکى لیژنەى هەواڵگرى ئەنجومەنى نوێنەران وتى: "کۆمارییەکان بەزۆرینە کۆنتڕۆڵى ئەنجومەنى پیرانیان کردووە و هەوڵ دەدەن بەهەرشێوەیەک بێت بەکۆى دەنگ ترەمپ لە دەسەڵاتەکەى دووربخەنەوە.

لەلایەکى دیکەشەوە دیموکراتەکان ناتوانن هیچ هەنگاوێک بنێن، چونکە مۆلەرى لێوکۆڵەوەر نەیتوانیووە  تێوەگلانى رووسیا لە هەڵمەتى بانگەشەى ترەمپ لە هەڵبژاردنەکانى سەرۆکایەتى ئەمریکا بسەلمێنێت و تەنها ئاماژەى بە ١٠ بابەت کردووە، کە پەیوەندییان بەو رێکارانەوە هەیە، کە ترەمپ وەک بەربەستێک بەرامبەر دەسەڵاتى دادوەرى دروستیکردووە.

وتیشى: "پێویستە بڕیارى خۆمان بدەین، ئایا پێویست دەکات ترەمپ بدرێتە دادگا، چونکە بە پێچەوانەوە سەرۆکەکانى داهاتوومان هەمان رێچکەى ئەو هەڵدەبژێرن و کەس ناتوانێت لێپرسینەوەیان لەگەڵدا بکات، بۆیە پێویستە لە هەفتەى داهاتوودا بڕیارى یەکلاکەرەوەى خۆمان بدەین.

وە: ئاکۆ زەنگەنە
بڵاوکردنەوە: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure