لە زانكۆی تۆكیۆ زمانی كوردی دەخوێنرێت

هەواڵ / کوردستان :: 21/04/2019‌ :: 283‌ جار بینراوە

دواڕۆژ، عەلی حەمەسەعید


دوای ئەوەی ڕێزمان و زمانی كوردی وەك وانەیەك لە زانكۆی تۆكیۆ لەژاپۆن جێگیركرا، بۆ یەكەمجار وانەی زمانی كوردی لەیەكێك لەزانكۆكانی ئەو وڵاتە دەخوێنرێت.


خدر كەریم، ئەندامی ڕێكخراوی ئینستتیوتی كوردی - ژاپۆنی بە دواڕۆژی ڕاگەیاند: بەهۆی ئەو پەیوەندییە توندوتوڵەی لەگەڵ گەلی ژاپۆنی دروستمان كردووە و هاوكات بەهۆی هەوڵی بەردەواممان بۆ ناساندنی زمانی كوردی هاوشێوەی زمانی گەلانی دیكەی جیهان، توانیمان خوێندنی زمانی كوردی لەزانكۆی تۆكیۆ جێگیر بكەین و لەم هەفتەیەشدا دەستكراوە بە خوێندنی ڕێزمان و زمانی كوردی لەو زانكۆیە.

ئاماژەی بەوەشكرد، لەم قۆناغەدا وانەی زمانی كوردی لەلایەن مامۆستا (فەقاز) كە خەڵكی باكوری كوردستانە و لە یابان نیشتەجێیە، وانەی زمانی كوردی دەوترێتەوە، ئەمەش هەنگاوێكی گرنگە بە ئاڕاستەی زیاتر ناساندنی زمانی كوردی بە گەلانی جیهان و لێكنزیكبوونەوەی كەلتورە جیاوازەكان لە كەلتور و زمانی كوردی.

ئەو ئەندامەی رێكخراوی ئینستتیوتی كوردی ژاپۆنی ئەوەشی خستەڕوو، بابەتی جینۆسایدی هیرۆشیما و ناكازاكی و كیمیابارانكردنی هەڵەبجە هۆكارێكی سەرەكی بوون كە بتوانین ئەو پەیوەندییە لەگەڵ یابانییەكان دروست بكەین، چونكە لە زۆربەی یادەكانی تایبەت بەهێرۆشیما و ناكازاكی بانگهێشتی تایبەتی كراوین و ئەوانیش بەشداری یادی كیمیابارانی هەڵەبجەیان كردووە، ئەمەش بووەتەهۆی دوستكردی ئەو پەیوەندییە.

پێداچوونەوە: ئارام غەفور 

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure