تەقینەوە لە دوو كڵێسادا 80 کەسی کردەقوربانی

هەواڵ / جیهان :: 21/04/2019‌ :: 15541‌ جار بینراوە

دواڕۆژ


بەهۆی چەند تەقینەوەیەك كە ئەمڕۆ یەكشەممە 21ی نیسان، دوو كڵێسای لە سریلانكا كردووەتە ئامانج، زیاتر لە 80 كەس كوژران و برینداربوون.

تەقینەوەكان لەكاتی بەڕێوەچوونی جەژنی قیامەی مەسیحییەكاندا روویانداوەو دەنگۆی ئەوە هەیە لە دوو هۆتێلیش تەقینەوە روویدابێت.


بەرپرسانی نەخۆشخانەی كۆڵۆمبۆ لەپایتەختی سریلانكا رایانگەیاندووە: كە تەقینەوەكان نزیكەی 80 كەسی كردووەتە قوربانی لەنێوان كوژراو و برینداردا.


ئاژانسی هەواڵی فڕانس پرێس لەزاری بەرپرسانی نەخۆشخانەكەوە گواستوێتییەوە كە بەردەوام قوربانییەكان لەزیادبووندان و دەهێنرێنە نەخۆشخانە.

تەقینەوەكە یەكێكیان لەباكووری پایتەخت روویداوە و دووەمیشیان لەناوچەی نیگۆمبۆ بووە وەك هەواڵدەرانی پۆلیس باسیان كردووە.


ئا: ئارام غەفور 

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure