وێنە، سێ زاروکێن ئێزدی ژدەستێن داعش ھاتنە رزگارکرن

هەواڵ / کوردستان :: 19/04/2019‌ :: 149‌ جار بینراوە
وێنه‌ى رزگاربووه‌كان

تاگ :: كوردستانى

دواڕۆژ، رەڤەند گوھەرزی

(ئەڤرۆ ھەینی ١٩-ی نیسان، پشتی پێنج ساڵان ھاتیە رەڤانادن، سێ زاروکێن ئێزدی ژدەستێن چەکدارێن داعش ل کەمپا ھۆڵێ ھاتنە رزگارکرن.


جابر جندو، ل ماڵا ئێزدیان ل ھەرێما جزیرێ ل رۆژاڤایێ کوردستانێ بۆ دواڕۆژ راگەھاند :"ئەڤرۆ ماڵا ئێزدیان ل ھەرێما جزیرێ ب ھەفکاریا کارگێریا کەمپا (ھۆڵێ) یا داعشێ و ژنەکێ ل کەمپا نافھاتی شیان سێ زاروکان رزگار بکەن".

گۆتژی : "ئێک ژوان زاروکان کچ بوو دوو یێن دی کور بوون بناڤێن (عەزیزە سەبری ئیبراھیم) روینشتڤانا سەنتەرێ قەزا شنگالێ و (جەمال زیاد حەیدەر) ل گوندێ سۆڵاخ و (داوود سالم خەلەف) روینشتڤانێ گوندێ حەردان".

ناڤبورى دازانین ژی:" پشتی ئەو سێ زاروک ھاتیە رزگارکرن پێدڤیێن تایبەت و یێن تەندروستی بۆ ھاتنە دابینکرن ".

دماوێ بیست و چوار دەمژمێرێن بووریدا ١٤ ژن و زاروکێن ئێزدی ل کەمپا ھۆڵی یا داعشێ ھاتینە رزگارکرن و گەھشتینە ماڵا ئێزدیان ل ھەرێما جزیرێ ل رۆژاڤایێ کوردستانێ.

پێداچون: ئاهه‌نگ حسێن



  • ڕۆژ
  • هەفتە
  • مانگ
created by Avesta Group and powered by Microsoft Azure