گرۆپەكێ خوەبەخش دێ چاڤدێرییا پرا دەلال كەن

هەواڵ / کوردستان :: 20/04/2019‌ :: 358‌ جار بینراوە

دواڕۆژ، بورهان یەحیا

ژمارەكا گەنجێن زاخۆ بڕیاردان بۆ پاراستنا پرا دەلال ب ناڤێ (گرۆپێ دەلال) خزمەتا پرا دەلال بكەن. 


ئیسلام سندی ئەندامەكێ ڤی گرۆپی بۆ دواڕۆژ گۆت: "پشتی چەندین كێموكاسییان و سەرپێچیێن ل دەوروبەرێن پرا دەلال هاتینه‌ دیتن، وان هزر ل دامەزراندنا ڤی گرۆپی كر بناڤێ گرۆپێ دەلال كو چەندین گەنج ئامادەبوون ب خوەبەخشی دڤی گرۆپی دا بۆ خزمەتا پرا دەلال كاربكەن". 

سندی خوەیاكر: "گرۆپێ مە دێ كار بۆ دانانا رۆناهییان بۆ پرێ و سەتلێن گلێشی و كۆرسیێن روونشتنێ و دانانا دوو چاڤدێران بۆ پاراستنا پرێ كه‌ت".

ناڤبۆری خوەیاكر: "وان پێنیزێن خوە گەهاندینە بژار مۆنیب سەرۆكێ باژێرڤانییا زاخۆ و ناڤبۆرى پشتەڤانیا خوە بۆ پێشنیازێن گرۆپێ دەلال نیشاندا كو بڕیارە هەفتیا بهێت گرۆپێ دەلال دەست ب كارێن خوە بكەت". 

پرا دەلال دكەڤیتە سە رووبارێ خابووری ل قەزا زاخۆ دیرۆكا چێكرنا ڤێ پرێ بۆ سەردەمێ بیزەنتییان بەری 1500 سالان ڤەدگەریت، لێ دەزگەهێن پەیوەندیدار نەشیاینە وەك پێدڤی خزمەتا پرێ بكەن.

بڵاوكردنه‌وه‌: شیروان شه‌ریف



  • ڕۆژ
  • هەفتە
  • مانگ
created by Avesta Group and powered by Microsoft Azure