شاندێکی ئیسرائیل سەردانی بەحرەین دەکات

هەواڵ / ئابوری :: 18/04/2019‌ :: 167‌ جار بینراوە

دواڕۆژ
 
باراک رفید کە رۆژنامەنووسێکی ئیسرائلییە لە تویتێکدا نوسیویەتی: "بەپێی سەرچاوەیەکی سیاسی باوەڕپێکراوی ئیسرائیل، دوێنێ (چوارشەممە ١٧ نیسان) شاندێک لە وەزارەتی دەرەوەی ئیسرائیل سەردانی بەحرەین-ی کردووە، تاکو لە کۆنگرەی پێشەنگی کارە نیودەوڵەتییەکان بەشداری بکات".

 
ئەوەشی خستۆتەڕوو، کە ئەو جۆرە کۆنگرەیە تایبەتە بە گۆڕینی هەموو ئەو پڕۆگرام و دەستپێشخەرییە جیهانییانە، لە بیرۆکەوە بۆ کارێکی جێبەجێکراو، بەشداربووانیش بریتین لە کەسایەتییە سیاسی و ئابووری و توێژەر و وەبەرهێنەکان.
 
رۆژنامەی (یەدەعۆت ئەحرەنۆت)ی ئیسرائیلی رۆژی یەکشەممەی رابردوو، ئاماژەی بەوە کردبوو، کە کەسایەتییە سیاسییەکانی ئیسرائیل سەردانەکەیان بۆ مەنامەی پایتەختی بەحرەین هەڵوەشاندۆتەوە و لەبەر چەند هۆکارێکی ئەمنی بەشداری لەو کۆنگرەیە ناکەن.
 
لەلایەکی دیکەشەوە پەرلەمانی بەحرەین، ناڕەزایەتی خۆی دەربڕی بۆ سەردانەکەی ئەو شاندە ئیسرائیلییە و لەهەمانکاتدا کوەیت-یش بەهۆی ناڕازیبوونی پەرلەمانەکەی بەشداریکردنی لەو کۆنگرەیە رەتکردەوە.
 
وە: ئاکۆ زەنگەنە
پێداچوونەوە: ئارام غەفور 



  • ڕۆژ
  • هەفتە
  • مانگ
created by Avesta Group and powered by Microsoft Azure