دهۆك و هه‌رێمه‌كا ئه‌لمانیا پرتوكۆلێ هه‌ڤكاریێ ئێمزاكرن

هەواڵ / کوردستان :: 18/04/2019‌ :: 228‌ جار بینراوە

تاگ :: ئاواره‌

دواڕۆژ، بورهان یه‌حیا

كارگێرییا پارێزگه‌ها دهۆك پرتوكۆله‌كا هه‌ڤكاریێ دگه‌ل هه‌رێما (بادم ڤوتنبێرگ) یێ وه‌لاتێ ئه‌لمانیا ئیمزاركر كو ب گۆره‌ى وێ بۆ دوو سالێن بهێت دێ خزمه‌تگوزارییان گه‌هیننه‌ ئاواره‌ و په‌نابه‌ران.

موسلح قادر به‌رپرسێ راگه‌هاندنا كارگێرییا پارێزگه‌ها دهۆك (ئه‌ڤرۆ چارشه‌مب 17 نیسان 2019) بۆ دواڕۆژ دیاركر" یاداشته‌كا لێك تێگه‌هه‌شتنێ دناڤبه‌را كارگێریا پارێزگه‌ها دهۆك و حوكمه‌تا هه‌رێما باده‌م ڤوتنبێرگ دا هاتییه‌ ئیمزاكرن بۆ هندێ پشته‌ڤانییا پارێزگه‌هێ بكه‌ن ب تایبه‌تى بۆ ئه‌و ئاواره‌ و په‌نابه‌ران ئه‌وێن ل سنۆرێ پارێزگه‌هێ هه‌ین هه‌روه‌سا ل بوارێن جودا وه‌كو په‌روه‌رده‌ و ساخله‌مى و كه‌رتێن دى بۆ دوو سالێن بهێت پشته‌ڤانیێ  بكه‌ن".

خویاكر" به‌رى نوكه‌ ڤێ هه‌رێمێ‌ بۆ ده‌مێ پترى دوو سالان پشته‌ڤانیا پارێزگه‌ها دهۆك د كه‌رتێ ساخله‌میێ هه‌وروه‌سا په‌روه‌ردێ و ب تایبه‌ت ل زانكۆیا دهۆك و هنده‌ك بوارێن دی ژى كرینه‌ و ب پشته‌ڤانیا رێزدار نێچیرڤان بارزانى سه‌رۆكێ حوكمه‌تا هه‌رێما كوردستانێ ئه‌ڤ رێككه‌فتنه‌ هاتییه‌كرن و هیڤیدارین ‌ ببیته‌ رێك خۆشكه‌ره‌ك پتر كارێ هه‌ڤپشك بهێته‌ كرن.

خویاكر" هه‌ڤكارییه‌كا باش ناڤبه‌را پارێزگه‌هێ و هه‌رێما (بادم ڤوتنبێرگ)  هه‌بوویه‌ و ب تایبه‌ت وه‌رگرتنا 1100 ژن و زارۆیان كو شیاین ماله‌كا نوو بۆ وان ئاڤا بكه‌ین و ل ڤێرێ كارێن گه‌له‌ك گرنگ هاتینه‌ كرن و ئه‌ڤ رێژه‌یا مه‌زن یا ئاواره‌ و په‌نابه‌رێن هاتینه‌ دهۆك ل چه‌ند سالێن بۆرى پارێزگه‌ها دهۆك و حوكمه‌تا هه‌رێمێ جهه‌كێ ئێمن بۆ دابینكر و هه‌تا نوكه‌ وان دپارێزن".

موسلح قادر ئاماژه‌كر" بابه‌ته‌كێ دیێ گه‌له‌ك گرنگ ئه‌وه‌ یا په‌یمانگه‌ها چاره‌سه‌ركرنا نه‌خۆشیێن ده‌روونى ل دهۆك هاتییه‌ چێكرن و ئه‌ڤه‌ كاره‌كێ گه‌له‌ك گرنگه‌ بۆ خه‌لكێ ڤێرێ دا فێر ببنه‌ چاره‌سه‌كرنا ده‌روونى و ل ڤێرێ وى تشتى بخوینن و بشێن هاریكاریا خۆ بكه‌ن، به‌رى دوو سالان دگه‌ل پارێزگه‌ها دهۆك چه‌ند پرۆژه‌ ده‌ست پێكرن بۆ نموونه‌  ل كه‌مپه‌كا ئاواره‌یان وه‌كى كۆمپانییه‌كا بچووك بۆ چێكرنا مه‌حفیرا دروست كرییه‌ هه‌روه‌سا مه‌ دڤێت كاره‌بێ ژ هێزا رۆژێ بۆ كومپێن ئاواره‌یان په‌یدا بكه‌ین".



  • ڕۆژ
  • هەفتە
  • مانگ
created by Avesta Group and powered by Microsoft Azure