لە ناوچەیەکی کوردستان دوو چەکدار لە ناو بازاڕ تەقە لە خەڵکی دەکەن

هەواڵ / کوردستانی :: 16/04/2019‌ :: 20275‌ جار بینراوە
بەشێوەیەکی هەڕەمەکی تەقەیان کردووە

دواڕۆژ، سیروان حەسەن

دوو چەکدار لە نێو بازاڕی ناحیەی جەلەولا دەستڕێژی گولـلەیان کردووە و لە ئەنجامدا ژمارەیەک هاووڵاتی و پۆلیس برینداربوون.


سەرچاوەیەک لە ئاسایشی جەلەولا (ئەمڕۆ سێشەممە 16ی نیسانی 2019) بە دواڕۆژی راگەیاند: ئێوارەی ئەمڕۆ چەکدارەکان بەشێوەیەکی هەڕەمەکی تەقەیان کردووە و دوو نارنجۆکیشیان تەقاندووەتەوە.

وتیشی: "بەهۆی ئەو هێرشەوە، ژمارەیەک هاووڵاتی و پۆلیس برینداربوون".

ئەو سەرچاوەیە ئەوەشی خستەڕوو: هێزە ئەمنییەکانی جەلەولاش وەڵامی هێرشەکەیان داوەتەوە و هەردوو چەکدارەکەیان بریندارکردووە و لەئێستادا لە نەخۆشخانە دەستبەسەرن.

ئاماژەی بەوەشدا: تائێستا نازانرێت ئایا ئەو دوو چەکدارە سەر بە داعشن یان نا.

بۆ دوایین زانیارى سه‌باره‌ت به‌و رووداوه‌ كلیك لێره‌ بكه‌.

پ: ن.ر
بڵاوكردنه‌وه‌: شیروان شه‌ریف



created by Avesta Group and powered by Microsoft Azure