د نیشته‌گه‌رییه‌كێ دا ل دهۆك وه‌رمانه‌كا سه‌یر دهێته‌ هه‌لگرتن

هەواڵ / کوردستان :: 16/04/2019‌ :: 300‌ جار بینراوە

دواڕۆژ، بورهان یه‌حیا

د نیشته‌گه‌رییه‌كا ده‌گمه‌ن دا ل باژێڕێ دهۆك چه‌ندین نۆژدار شیان وه‌رمانه‌كا مه‌زن ب قه‌باریێ 15 سه‌نیمان د ناڤا سینگێ نه‌خۆشكی دا بینه‌ درێ.


حه‌مزه‌ محه‌مه‌د عه‌لی، به‌رپرسێ راگه‌هاندنا رێڤه‌به‌رییا ساخله‌مییا پارێزگه‌ها دهۆك (ئه‌ڤرۆ سێشه‌مب 16 نیسان 2019) بۆ دواڕۆژ رۆهنكر: ئه‌ڤ وه‌رمه‌ د ناڤا غوده‌یێ نه‌خۆش دا هاتبوو دیتن و گه‌له‌ك كێشه‌یێن ساخله‌میێ بۆ نه‌خۆشی په‌یدا كربوون كو قه‌باره‌یێ وێ 15 سه‌نتیم بوون و ئه‌ڤه‌ بۆ جارا ئێكێ دا نیشته‌گرییه‌ك بۆ وه‌رمانه‌كا ب ڤی قه‌باره‌ی دهێته‌كرن و دووڤدا راكرن.

دیاركر: "ئه‌ڤ وه‌رمانه‌ د غودا په‌ریزادێ یا نه‌خۆشه‌كێ 70 سالی هاتبوو دیتن و دووڤدا لڤین كربوو و به‌ره‌ڤ سینگێ نه‌خۆشی چبوو و كێشه‌یێن هه‌ناسه‌ی بۆ په‌یداكرن هه‌تا كو نیشته‌گه‌ری بۆ هاتییه‌كرن و ژێ قورتال بووی".

حه‌مزه‌ محه‌مه‌د عه‌لی راگه‌هاند: "ئه‌ڤ وه‌ره‌مه‌ ببوو ئه‌گه‌رێ‌ وێ‌ چه‌ندێ‌ كو بێهنته‌نگی بۆ نه‌خۆشی په‌یدا ببیت و خوارن ب زه‌حمه‌ت دخوار و كارتێكرنێن لاوه‌كی لسه‌ر دل و سهێن نه‌خۆشی هه‌بوو".

دیاركر "ئه‌ڤه‌ ده‌هـ سال بوو ئه‌ڤ نه‌خۆشه‌ تووشی غودا ژه‌هراوی ببوو و ژ ئه‌نجامێ‌ وێ‌ ئه‌ڤ وه‌ره‌مه‌ بۆ وی په‌یداببوو و ستافه‌كێ نۆژداران پێكهاتی ژێ (نۆژداران عه‌لا‌و سالم كو تایبه‌تمه‌ندێ‌ نه‌خۆشیێن گشتی یه‌  و د. محه‌مه‌د عه‌بدولئه‌میر كو تایبه‌تمه‌ندێ‌ بێهۆشكرنێ‌) ئه‌ڤ نیشته‌گه‌رییه‌ ئه‌نجام دابوو".

بڵاوكردنه‌وه‌: شیروان شه‌ریف



  • ڕۆژ
  • هەفتە
  • مانگ
created by Avesta Group and powered by Microsoft Azure