پۆمپیۆ: تورکیا بۆی نیە شەڕکەری (ئێف 35) بکڕێت

هەواڵ / جیهان :: 10/04/2019‌ :: 112‌ جار بینراوە
مایک پۆمپیۆ، وەزیری دەرەوەی ئەمریکا

دواڕۆژ

وه‌زیرى دەرەوەی ئه‌مریكا رایده‌گه‌یه‌نێت: توركیا ده‌زانێت كه‌ ناتوانێت فڕۆکەی (ئێف-35)ی بكڕێت ئه‌گه‌ر به‌رده‌وام بێت له‌سه‌ر كڕینى موشەکی (ئیس-400)ی رووسی.


مایک پۆمپیۆ، وەزیری بەرگری ئەمریکا رایگه‌یاند: دەسەڵاتی تورکیا ئاگادارە لەوەی ناتوانێت لە هەمانکاتدا فڕۆکەی (ئێف-35)ی دەستبکەوێت لەگەڵ موشەکی (ئیس-400)ی رووسی.

رۆژی سێشەمە لە دواین دانیشتنی کۆنگریسی ئەمریکا لە پۆمپیۆ-یان پرسی ئایا تورکیاى لەوە ئاگادارکردۆتەوە کە ناتوانێت لە بەرنامەی دروستکردن و دەستکەوتنی شەڕکەری (ئێف-35)ی نەوەی پێنجەم بەشداریبکات ئەگەر موشەکی (ئێس-400)ی رووسی تایبەت بە بەرگریکردن لە هێرشە ئاسمانیەکان لەسەر زەویەکەی بەکاربهێنێت، ئەویش بە "بەڵێ" وەڵامی دایەوە.

بەڵام رەجەب تەیب ئەردۆغان، سەرۆکی تورکیا دوپاتیكرده‌وه‌ کە مانگی ته‌مموزى داهاتوو وەجبەیەک مووشەکی ئێس-400 یان بۆ دێت.

هەروەها پۆمپیۆ ئاماژەی بەوەدا: ئەمریکا سزای میسر دەدات ئەگەر رازیبێت لەسەر کڕینی شەڕکەرە رووسیەکان لە جۆری (سو-35)، پۆمپیۆ وتى: "زۆر باش روونمانکردەوە کڕینی ئەم جۆرە موشەکانە دەبێتە هۆی پەیرەویکردنی سزا بەسەر ئەو دەوڵەتانەدا".

چەندین جار ئەمریکا هەڕەشەی لەو وڵاتانە کردووە کە دەیانەوێت چەکی رووسی بکڕن وەک چین و تورکیا و هند و میسڕ و ئەگەر بەردەوامبن لەسەری بەپێی یاسای "رووبەڕوبوونەوەی دوژمنەکانی ئەمریکا" سزایان دەدەن کە ساڵی 2013 لەلایەن دۆناڵد ترەمپەوە واژۆکراوە.

لەلایەکی ترەوە وەزیری دەرەوەی ئەمریکا ئاشکرایکرد: هەوڵدەدەن ئەوروپیەکان گەورەترین هێزبن کە لە سوریا دەمێننەوە.

لە 19ی کانونی یەکەمی ساڵی 2018 ئەمریکا ئاشکرایکرد دۆناڵد ترەمپ بڕیاری کشانەوەی هێزەکانی ئەمریکای لە سوریای داوە، لە سەرەتادا بڕیاریاندا پڕۆسەکە لە ماوەی 100 رۆژدا جێبەجی بکرێت، بەڵام چەند لایەنێکی سەربازی پنتاگۆن ئاشکرایانکرد ترەمپ-یان بەوە قایلکردووە بڕیارەکەی هەڵبوەشێنێتەوە.

وەرگێڕان: هێڤی فەرهاد
پێداچونه‌وه‌: شیروان شه‌ریف



created by Avesta Group and powered by Microsoft Azure