لێكۆڵینەوەیەكی نوێ‌ سەبارەت بە شۆڕشگێڕێکی ئەمریكا

هەواڵ / جیهان :: 07/04/2019‌ :: 151‌ جار بینراوە

تاگ :: جیهان

دواڕۆژ


بەپێ‌ی فیلمێكی دۆكیومێنتاری كە بڕیاروایە (سبەی دووشەممە 8ی نیسانی 2019) پەخشبكرێت، پاڵەوانی جەنگە شۆڕشگێڕییەكەی ئەمریكا (كازیمیری پۆڵاسكی) ژن بووە یاخود كەسێكی دووڕەگەز بووە؟


ئەم جەنەراڵە بە رەگەز پۆڵۆنییە رۆڵی گەورەی هەبووە لە رزگاركردنی ژیانی جۆرج واشنتن لە كاتی جەنگی دژی بریتانیا لە ساڵانی نێوان 1775 تا 1783 و لە مێژوودا بە باوكی هێزی سوارەی ئەمریكا ناسراوە.

پۆڵاسكی وەكو خۆبەخش روویكردوەتە ویلایەتە یەكگرتووەكان و ئازایەتییەكی بێ‌ هاوتای نیشانداوە لە جەنگەكاندا، هەروەها سروشتێكی زۆر تایبەتی هەبووە، كەلەڕەق بووە و هیچ مەیلێكی نەبوە بۆ ئافرەت و خواردنەوە كحولییەكان.

لێكۆڵینەوە لە رەگەزی پۆڵاسكی 20 ساڵ لەمەوپێش دەستیپێكرد بە پشكنینی ئێسكەكانی. 

پسپۆڕانی بواری مرۆڤ ناسی دەڵێن: "پەیكەری ئێسكی پۆڵاسكی زیاتر لە پەیكەری ئێسكی ئافرەت دەچێت و ئێستا بەهۆی تەكنیكە نوێكانەوە دەتوانرێت بە دڵنیاییەوە بوترێت ئەو ئێسكانەی كە لە مۆنۆمێنتەكەدا هەیە ئێسكی پۆڵاسكین".

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure