داوایەک ئاراستەی کەسوکاری شەهیدانى كیمیاباران دەکرێت

هەواڵ / کوردستان :: 05/04/2019‌ :: 4991‌ جار بینراوە

دواڕۆژ، عەلی حەمەسەعید


کۆمەڵەی قوربانیانی کیمیابارانی هەڵەبجە داوا لە کەسوکاری شەهیدان دەکەن تا 15ی ئەم مانگە دەتوانن سکاڵاکانیان لەسەر كۆمپانیاکانی چەکی کیمیایی تۆمار بکەن، بە پێچەوانەوە سودمەند نابن لە وەرگرتنی قەرەبوو.


لوقمان عەبدولقادر، سەرۆکی کۆمەڵەی قوربانیانی کیمیابارانی هەڵەبجە بە دواڕۆژی راگەیاند: "بە مەبەستی بە سزاگەیاندنی ئەو کۆمپانیایانەی کە چەکی کیمیاییان بە ڕژێمی بەعس فرۆشتووە، پرۆسەی تۆمارکردنی سکاڵا لەسەر کۆمپانیا بیانییەکان بەردەوامە، بەڵام ماوەیەکی کەمی ماوە، چونكه‌ لە 15ى نیسانى 2019، کۆتایی بە وەرگرتنی ساکاڵا دێت".

وتیشى: "داوا لە کەسوکار و وارسی شەهیدانی کیمیابارانی هەڵەبجە دەکەین، بەزوترین کات سەردانی کۆمەڵەی قوربانیانی کیمیابارانی هەڵەبجە بکەن، بە مەبەستی تۆمارکردنی سکاڵا، بە پێچەوانەشەوە ئەگەر سکاڵا تۆمار نەکەن، ناتوانن لەکاتی یەکلایکردنەوەی دۆسیەکان داوای قەرەبوو کردنەوە بکەن".

سەرۆکی کۆمەڵەی قوربانیانی کیمیابارانی هەڵەبجە ئەوەشی خستەڕوو: "تا ئێستا زیاتر لە هەزار و 200 خانەوادەی شەهیدان سکاڵایان تۆمارکردووە، دوو دانیشتنی دادگایکردنی کۆمپانیاکان-یش بەڕێوەچووە و لە مانگی داهاتووشدا دانیشتنێکی دیکە بەڕێوەدەچێت".

پێداچونه‌وه‌: ئاهه‌نگ حسێن



created by Avesta Group and powered by Microsoft Azure

بەپەلە