كونسڵخانەی ئێران لەبارەی ڤیزا ئاگادارییەک ئاڕاستەی هاووڵاتیان دەکات

هەواڵ / ئابوری :: 01/04/2019‌ :: 1786‌ جار بینراوە

دواڕۆژ، هانا چۆمانی


کونسڵی ئێران رایدەگەیەنێت: ڤیزای ئەلیکترۆنی بە خۆڕایی لە ئەمڕۆ دووشەممەوە دەچێتە بواری جێبەجێکردنەوە، بەڵام ئاگاداری هاووڵاتیان دەکەینەوە ئەوانەی بەشێوەی ئۆنڵاین داوای ڤیزا دەکەن، دەبێت کۆپییەک لە ڤیزکەیان لابێت وەک سەره‌تا، دواتر ئەوەش نامێنێت". 


مورتزا عەبادی، کونسڵی گشتی ئێران لە شاری هەولێر ئەمڕۆ دووشەممە ۱ی نیسانی ۲٠۱۹ لە راگەیەنراوێکدا رایدەگەیەنێت: دەرکردنی ڤیزای ئەلیکترۆنی بە خۆڕایی لە نوێنەرایەتی کۆماری ئیسلامی ئێران لە هەولێر لە ئەمڕۆ دووشەممەوە دەچێتە بواری جێبەجێکردنەوەو کاری پێدەکرێت". 

عەبادی رونیكردوه‌ته‌وه‌: بۆ ئەوانەی دەیانەوێت ڤیزای ئێرانیان بۆ دەربکرێت، دەتوانن لە ڕێگەی پێگەی ئەلکترۆنی http://visa.mfa.ir لە ماڵەوە یان لە نوسینگەکان و کۆمپانیاکانی گەشتیاری ناویان بۆ ڤیزا تۆماربکەن و رێککارەکان بۆ پەسەندبوونی داواکارییەکەیان ئەنجامبدەن.

دەشڵێت: "ئاگاداری سەرجەم هاووڵاتیان دەکەینەوە چونکە پێدانی ڤیزای ئەلیکترۆنی یەکجارە و لە قۆناغی سەرەتاییدایە، رەنگە هەندێک هەڵە و کەموکورتی روبدات، بۆیە باشتروایە هاووڵاتیان بۆ دڵنیابوون لە پەسندبوونی پێدانی ڤیزاکەیان، دوای پەسەندبوون کۆپییەک لە ڤیزای ئەلیکترۆنی وەربگرنەوە، ئینجا گەشت بکەن نەوەک لە سنورەکان کێشەیان بۆ دروست بێت".

پ: س.م



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە