هۆشداری دەدرێتە هاووڵاتیانی ناوچەیەکی هەرێم

هەواڵ / کوردستان :: 25/03/2019‌ :: 2726‌ جار بینراوە

دواڕۆژ، عەلی حەمەسەعید

پارێزگاری هەڵەبجە ئاشکرایدەکات: لە سبەینێوە ئێران دەستدەکات بە بەردانەوەی بەشێک لە ئاوی ڕووبار و بەنداوەکانی بە ئاراستەی ڕووباری سیروان، بەوهۆیشەوە داوایەکی بەپەلە ئاراستەی هاووڵاتیان دەکات.


ئازاد تۆفیق، پارێزگاری هەڵەبجە (ئەمڕۆ دووشەممە 25ی ئازاری 2019) بەدواڕۆژی ڕاگەیاند: وابڕیارە لە سبەینێوە ئێران بەشێک لە ئاوی ڕووبار و بەنداوەکانی بە ئاراستەی هەرێمی کوردستان و ڕوباری سیروان و دەربەندیخان بەربداتەوە.

وتیشی: "هەرچەندە هیچ وادەیەکی ورد دیاری نەکراوە ک لە چ کاتژمێرکدا ئێران ئاوی ڕووبار و بەنداوەکان بە ئاراستەی هەرێم بەردەداتەوە، بەڵام لایەنی ئێرانی بەرپرسانی عێراقیان ئاگادار کردووەتەوە کە  سبەینێ بەشێک لە ئاوی بەنداوەکانی بەردەدەنەوە، ئێمەش لەم شەوەوە ئاگاداری هاووڵاتیان دەکەین خۆیان لە ڕووبارەکان بەدوور بگرن بۆ ئەوەی لە هەموو حاڵەتێکی نەخوازراو بپارێزن.

سەبارەت بە پشووی قوتابخانە و فەرمانگە حکومییەکان بۆ سبەینێ، پارێزگاری هەڵەبجە ئەوەی خستەڕوو: تا ئێستا هیچ بڕیارێکمان لە بارەی پشووەوە نەداوە و لە کاتی پێویستدا بڕیار لە بەرژەوەندی گشتی دەدەین.

پ: ن.ر



created by Avesta Group and powered by Microsoft Azure