وێنه‌: ژبه‌ر لافاوان چه‌ندین رێك ل پارێزگه‌ها دهۆك هاتینه‌ دائێخستن

هەواڵ / کوردستان :: 25/03/2019‌ :: 204‌ جار بینراوە

دواڕۆژ، بورهان یه‌حیا

رێڤه‌به‌رییا هاتنوچۆنا پارێزگه‌ها دهۆك راگه‌هاند: هنده‌ك رێیێن هاتنوچۆنێ ل ده‌ڤه‌رداری و ناحیه‌یێن شێخان و ئامێدیێ و زاویته‌ ژبه‌ر بارینا بارانه‌كا زۆر نه‌مایه‌.


سالح جه‌میل ژ راگه‌هاندنا هاتنوچۆنا ناحیا زاویته‌ (ئه‌ڤرۆ دووشه‌مب 25 ئادار 2019) بۆ دواڕۆژ رۆهنكر: بنگەهێ هاتنوچۆنا ناحیا زاویتە ئاگه‌هدارییا شۆفێران دكه‌ت كو ژبەر پێلا بارانێ ئەوا ئەڤرۆ پارێزگەھا دھۆک ڤەگرتی و ناحیا زاویتە نوکە (جاددا گەلیێ زاویتە) و(گەلیێ قەنتارا) و (جاددا نێزیک گوندێ بێسرێ) و جاددا (کۆمەلگەها باگێرا) و (کۆمەلگەها کۆرا) پربوویە ژ ئاڤا بارانان ئەڤجا داخاوزێ ژ هەموو شوفێراندهێته‌كرن پێگیریێ ب رێنومایێن هاتنوچۆنی بکەن و لەزاتیا ترومبێلێن خۆ کیم بکەن دا تووشی چ گرفتان نه‌بن و سەر و مال سامانێ وان یێ پاراستی بیت.

ژلایێ هۆڤه‌ ل ده‌ڤه‌ردارییا ئامێدیێ، ئاڤا رووبارێ سپنەی ل  ناحیا دێرەلۆك ب رێژه‌یه‌كا مه‌زن رابوویه‌ و بوویه‌ ئەگەرێ گرتنا رێیا هەردو گوندێن مەهیدێ و گەلەكا و گورستانێ بۆ دێرەلۆكێ  و ل گوندێ چەم سەیدا ل دەڤەرا بەرواریا ژ ئه‌گه‌رێ بارانه‌كا زۆر ئاڤ رابوویە.

دلشاد محه‌مه‌د راگه‌هاندنا هاتنوچۆنا ده‌ڤه‌ردارییا شێخان بۆ دواڕۆژ دیاركر: ل جادده‌یا دناڤبه‌را چار ریانا شێخان هه‌تا گوندێ دووشیڤانێ ژ ئه‌گه‌رێ باران بارینێ ئاڤه‌كا زۆر هاتیه‌ سه‌ر جادده‌یێ و ژێر ئاڤ كه‌تیه‌ داخوازێ ژ شوفێرا دكه‌ین كو د ئاگه‌هدار بن و هاریكاربن دگه‌ل پۆلیسان ژبه‌ركو بتنێ هاتنوچۆن ل سایده‌كی دهێته‌ كرن و هیچ ترومبێله‌ك نه‌شێت هاتنوچۆنێ ل سایدێ ژێرئاڤ كه‌تی بكه‌ت هه‌تا كو دهێته‌ چاره‌كرن جاره‌كا دی بكه‌ڤیته‌ خزمه‌تا شوفێران.

ئازاد تاها به‌رپرسێ راگه‌هاندنا رێڤه‌به‌رییا هاتنوچۆنا پارێزگه‌ها دهۆك بۆ دواڕۆژ دیاركر: هاتنا بارانه‌كا زۆر و ب هێز و كۆمبوونا ئاڤێ ل رێیا سه‌ره‌كى یا دناڤبه‌را دهۆك بۆ هه‌ولێر ل ناحیا رۆڤیا ل پرا حسنى سه‌ر ب ده‌ڤه‌ردارییا به‌رده‌ره‌ش بوویه‌ ئه‌گه‌رێ گرتنا رێكێ و هاتنوچۆنا تێدا نه‌مایه‌.

دیاركر: رێیا سەرەکییا ناحیا باتیفا بۆ بێگوڤا هەروەسا باتیفا بۆ ئامیدیێ و لوفێن زرێزەی مەترسیا مەزن هەیە، بۆ هەڕفینێ ژ سەرجەمێ 18 لوفان 11 لوفە خرابینە ئەڤە رێکەکا سەرەکی یا سەرزێرییە.

پێداچوونه‌وه‌: ئیحسانی مه‌لا فوئاد



created by Avesta Group and powered by Microsoft Azure