فەرمانگە ئەمنی و خزمەتگوزارییەکانی چەمچەماڵ خرانە حاڵەتی ئامادەباشییەوە

هەواڵ / کوردستان :: 24/03/2019‌ :: 1983‌ جار بینراوە

دواڕۆژ

(ئەمشەو 24ی ئازاری 2019) قایمقامیەتی قەزای چەمچەماڵ لەسەر مەترسی لافاو راگەیەنراوێکی بڵاوکردەوە و راشیگەیاند: کە فەرمانگە ئەمنی و خزمەتگوزارییەکان خراونەتە حاڵەتی ئامدەباشییەوە.

دەقی راگەیەنراوەکە:


بەپێی پێشبینیەکانی کەشوهەوا لەم شەوەوە مەترسی لافاو و بارانی بەخوڕ دەکرێت، بۆیە ئاگاداری هاووڵاتیانی خۆشەویستی سنووری چەمچەماڵ دەکەینەوە، لەکاتی بوونی لافاو یان گیرانی باراناوەکانیان، پەیوەندی بکەن بەم ژمارە تەلەفونانەوە بەمەبەستی بەهاناوەچوون و هاوکاریکردنیان.

07725274303 شوان نصرالدین
07501183905 سیروان حەمە
07718343040 ڕێبوار جبار

سەرجەم فەرمانگە ئەمنی و خزمەتگوزارییەکان لەحاڵەتی ئامادەباشیدا دەبن و داواش لەهاووڵاتیانیش دەکەین کە سەری مەنهۆڵەکانیان هەڵدەنەوە بەمەبەستی کەمکردنەوەی  ئەگەری لافاو.

هیوای ساغ و سەلامەتی بۆ هاوڵاتیانی خۆشەویست دەخوازین بەهیواین هەمیشە سەلامەت و تەندروست بن.

قایمقامیەتی قەزای چەمچەماڵ



created by Avesta Group and powered by Microsoft Azure