دهۆك: 7 كه‌س ژبه‌ر ته‌قه‌یا خۆشیێ هاتینه‌ ده‌سته‌سه‌ركرن

هەواڵ / کوردستان :: 24/03/2019‌ :: 128‌ جار بینراوە

دواڕۆژ، بورهان یه‌حیا

رێڤه‌به‌رییا پۆلیسێن پارێزگه‌ها دهۆك راگه‌هاند؛ ژبه‌ر ئه‌نجامدانا ته‌قه‌یا خۆشیێ 7 كه‌س هاتینه‌ ده‌سته‌سه‌ركرن و هه‌تا نوكه‌ ژى د زیندانێ دانه‌ هه‌تا كو بڕیارا دووماهیێ سه‌ر دهێته‌دان.


هێمن سلێمان، به‌رپرسێ راگه‌هاندنا رێڤه‌به‌رییا پۆلیسێن پارێزگه‌ها دهۆك (ئێكشه‌مب 24 ئادار 2019) بۆ دواڕۆژ رۆهنكر: "شه‌ش كه‌س ل هنداڤى چیایێ زاوا ژلایێ پۆلیسێن ده‌ڤه‌ردارییا سێمێلێ ژبه‌ر ته‌قه‌یا خۆشیێ هاتینه‌ ده‌سته‌سه‌ركرن و هه‌تا نوكه‌ ژى د زندانێ دانه‌ هه‌تا كو دادوه‌ر بڕیارا دووماهیێ سه‌ر دده‌ت و دگه‌ل هندێ ل ده‌ڤه‌ردارییا ئاكرێ ژى ل رۆژا هه‌لكرنا ئاگرى كه‌سه‌ك ژلایێ پۆلیسان ڤه‌ ب تۆمه‌تا ته‌قه‌كرنێ هاتییه‌ ده‌سته‌سه‌ركرن".

خویاكر: "ل سنۆرێ ده‌ڤه‌ردارییا شێخان دوو خێزان ژبه‌ر جهێ سه‌یرانێ ب شه‌ڕ چۆن و ته‌قه‌ ل ئێكدوكرن و بریندار ژى كه‌فتبوون له‌وا ژلایێ پۆلیسێن شێخان ڤه‌ 5 كه‌س هاتبوونه‌ ده‌سته‌سه‌ركرن و هه‌تا نوكه‌ ژى د زیندانێ دانه‌ و دادوه‌ر دێ بڕیارێ لسه‌ر كه‌یسێ وان ده‌ت".

دیاركر: "ئه‌و پلانا ژلایێ پۆلیسێن پارێزگه‌هێ ڤه‌هاتبوو دارشتن ب ته‌مامى سه‌ركه‌ڤتن ئینا چونكو هه‌موو پۆلیس و ئه‌فسه‌ر كه‌فتبوونه‌ د ئاماده‌باشیێ دا و ل جهێن سه‌یران و تاخ و كولانان هاتبوونه‌ به‌لاڤه‌كرن و چ تاوانێن مه‌زن روونه‌دابوون". 



created by Avesta Group and powered by Microsoft Azure