مەترسی لەسەر پردەکەی نێوان پردێ و هەولێر دروستدەبێت

هەواڵ / کوردستان :: 25/03/2019‌ :: 240‌ جار بینراوە

دواڕۆژ، عیماد جەباری

نزیکەی دوو ساڵە پردە تەقێنراوەکەی ناحیەی پردێی نێوان کەرکوک و هەولێر چاکنەکراوەتەوە و هۆشداریشدەدرێت لەبارەی پردە ئاسنینەکەوە کە بەشێوەی کاتی دانراوە.


عەبدولموتەلیب نەجمەدین، بەڕێوەبەری ناحیەی پردێ بەدواڕۆژی وت: "ئەو پردە ئاسنینەی دانراوە کاتییە و نابێت پشتی پێببەسترێت و پێویستە خەمێک لەچاککردنەوەی پردە تەقێنراوەکە بخورێت".

 

وتیشی: "پێویستە حکومەتی هەرێم و بەغدا هەوڵی خێرا بدەن بۆ چاککردنەوەی رێگەکە کە بەهۆی رووداوەکانی ئۆکتۆبەری ساڵی 2017وە زیانی بەرکەوت و هەردوو لای پردەکە رووخان".

 

ئەوەشی خستەڕوو: کە لەگەڵ پارێزگاری کاتی کەرکوک لەو بارەیەوە قسەی کردوە و پێی راگەیاندووە کە بودجەی چاککردنەوەی پردەکە زیاتر لە 700 ملیۆن دیناری بۆ تەرخانکراوە و بۆ دەستپێکردنی پڕۆژەکەش چاوەڕێی ناردنی بودجەی پارێزگاکە دەکەن.

 

پێداچوونەوە: ئارام غەفور



  • ڕۆژ
  • هەفتە
  • مانگ
created by Avesta Group and powered by Microsoft Azure