كچێك یه‌كه‌م پاسپۆرتی هەڵەبجەی پێدرا

هەواڵ / کوردستان :: 24/03/2019‌ :: 5765‌ جار بینراوە

دواڕۆژ، عەلی حەمەسەعید

دوای ڕەزامەندی حکومەتی عێراق لەمەراسیمێکی تایبەتدا، ئەمڕۆ بەڕێوەرایەتی پاسپۆرتی هەڵەبجە کرایەوە و یەکەم پاسپۆرتیش بۆ کچێک چاپکرا.


لە مەراسیمی کردنەوەی بەڕێوەبەرایەتی پاسپۆرتی هەڵەبجە، ئازاد تۆفیق، پارێزگاری هەڵەبجە وتی: "کردنەوەی ئەم جۆرە بەڕێوەبەرایەتییانەی سەر بەحکومەتی عێراقی، هێندەی دیکە ئەرکی سەرشانمان قورستر دەکات کە دەبێت بەشێوەیەکی زیاتر خزمەت بە هاووڵاتیان بکەین".

لای خۆیەوە عەمید سالار عەبدوڵا، بەڕێوەبەری پاسپۆرتی پارێزگای سلێمانی بە دواڕۆژی ڕاگەیاند: ئەوەی لەسەرشانی ئێمەیە لەم قۆناغەدا ڕۆژانە نزیکەی 40 فەرمانبەر و کارمەندی بەڕێوەبەرایەتی پاسپۆرتی سلێمانی دەنێرینە هەڵەبجە بۆ ڕاپەراندنی ئیش و کارەکان.

هەر ئەمڕۆش لە دوای کردنەوەی بەڕێوەبەرایەتی پاسپۆرتی هەڵەبجە، یەکەم پاسپۆرت بە چاپ گەیەنرا و ڕادەستی خاوەنەکەی کرایەوە.

پێداچوونەوە: ئارام غەفور



created by Avesta Group and powered by Microsoft Azure