ساخلەمیا دھۆکێ ئامارا روویدانێن نەورۆزێ بەلاف دکەت

هەواڵ / کوردستان :: 24/03/2019‌ :: 96‌ جار بینراوە

تاگ :: كوردستانى

دواڕۆژ، رەڤەند گوھەرزی

(ئەڤرۆ ئێک شەمبی ٢٤-ێ ئادارێ) بەرپرسێ راگەھاندنا رێڤەبەریا گشتی یا ساخلەمیا پارێزگەھا دھۆکێ دیارکر دنەورۆزێدا ٨١ حالەتیێن سوتنێ ھاتینە تومارکرن و ب روودانێن جودا ٢٠ کەسان ژیانا خوە ژ دەست دایە.


حەمزە رەزیکی، بەرپرسێ راگەھاندنا رێڤەبەریا گشتی یا ساخلەمیا پارێزگەھا دھۆکێ ئامارێن رۆژانێن نەورۆزی دانەدیاکرن و راگەھاند: ھەزار و ٥٩٣ کەسان ل جھێن گەشتیاری پەیوەندی ب تێمین ساخلەمیا دھۆکێ کرینە وھاتینە چارەسەرکرن و ١٢٠ کەس ژ وان ژی بۆ دەزگەھیێن ساخلەمیی ھاتینە ڤەگوھاستن.

گۆتژی: تێمین زیرەڤانیا ساخلەمیێ سێ جھـ سزا داینە و ٢٢٤ کەسان ژی ل ناوچەیێن ناوەران و باشیک قەستا تێمێن ساخلەمیێ کرینە.

حەمزە رەزیکی دیارکر، دنەورۆزێ دا ٢٠١ زارۆ ژدایک بووینە ژ وانا ژی ١١٩ کوڕ و ٨٢ کچ بووینە و ١٩ حالەتیێن ژ جھێن بلند کەفتنی ژی ھاتینە تۆمارکرن و ٨١ حالەتیێن سوتنێ ژ وانا ژی پێنچ حالەتیێن سۆتنی ل نەخۆشخانێ ھاتینە نڤاندن و دوو کەس ژی ب گولەیێن ئاگری و پێنج کەس ژی ب یاریێن ئاگری برینداربووینە ".

دازانین ژی: دماوێ سێ رۆژێن بووریدا ب گشتی ٢٠ کەس مرینە ژ وانا ژی چار زارۆ و ١٦ کەس ژی ژ ئەگەرێ جەلتەیێن دلی و مێشکی و نەخۆشین دێ یێن جۆرا و جۆر بووینە.

رەزیکی گۆت، دسێ رۆژێن جەژنا نەورۆزێ دا ١٤ ھزار و ٥٠٤ کەسان سەرا دەزگەھیێن ساخلەمیێ کریە و ٣٢ روودانیێن ھاتن و چوونێ ل ساخلەمیێ ھاتینە تومارکرن د ئەنجام دوو کەسان ژیانا خوە ژدەستدایە و  ٣٨ کەس بریندار بووینە .
پ:ئەڤین



created by Avesta Group and powered by Microsoft Azure