بردنى جۆرێک ئۆتۆمبێل بۆ گەشت قەدەغەدەکرێت

هەواڵ / کوردستانی :: 21/03/2019‌ :: 3573‌ جار بینراوە

دواۆژ،زریان محەمەد

(ئەمڕۆ پێنجشەممە کەدەکاتە 21ی ئازار) ھاووڵاتیان لەھەرێمی کوردستان وەک پێشوازی لەیەکەم رۆژی بەھار و نەورۆز دەچنە شوێنە گەشتیارییەکان و ھاتوچۆی سەیرانگەکان قەرەباڵغ دەبێت، بۆیە ھاتوچۆی سلێمانی رۆیشتنی جۆرە ئۆتۆمبێلێک بۆ سەیرانگەکان قەدەغەدەکات.


كاروان محەمەد، وتەبێژی بەڕێوەبەرایەتی ھاتوچۆی سلێمانی بەدواڕۆژی وت: "بەڕێوەبەرایەتی هاتوچۆی ناوشار مەفرەزەكانی لە سنوری شاری سلێمانی دابەشدەكات بەسەر شوێنە گەشتیارییەكان‌ و ئەو شوێنانەی لۆد‌ و قەرەباڵغی زۆریان لەسەردەبێت، ئەمە سەرباری ئەرك‌ و فەرمانی ئاسایی خۆیان".

وتیشی: "رۆژی (21ی ئازار) لە رێگەی سلێمانی بەرەو شارباژێر ‌و تونێلی پێشڕەو، ئاڕاستەی ئۆتۆمبێل بەپێی لۆد‌ و قەرەباڵغی دیاریدەكرێت، لە كاتژمێر (5)ی ئێوارەوە ئۆتۆمبێل تەنیا دەتوانێت لە تونێلی پێشڕەو بەرەو سلێمانی بگەڕێتەوە، چوونیش بۆ شارباژێڕ لە رێگەی چیای ئەزمڕەوە دەبێت".

رونیشیكرده‌وه‌: تیمی فڕۆكەوانی هاتوچۆی سلێمانی لە ئەرك‌ و فەرماندا دەبن بە جۆرێك كە فڕۆكەكانمان بەسەر ئاسمانی سەیرانگە و شوێنە گەشتیارییەكاندا بەردەوام لە چاودێریكردندا دەبن، ئەویش بەمەبەستی چاودێریكردن‌ و ڕێكخستنی رەوشی هاتوچۆ لە كاتی دروستبوونی لۆد‌ و قەرەباڵغی لەسەر شەقامەكان‌ و گواستنەوەی بریندار لەكاتی بوونی هەر رووداوێكی نەخوازراودا.

وتەبێژی بەڕێوەبەرایەتی ھاتوچۆی سلێمانی: "بەكارهێنانی ئۆتۆمبێلی بارهەڵگری گەورە بۆ چوون بۆ سەیرانگە و شوێنە گەشتیارییەكان قەدەغەیە و لێخوڕینی ئۆتۆمبێل بەبێ‌ مۆڵەت هاوشێوەی ڕۆژانی پێشوو قەدەغەیە لە ڕێگەوبانەكانی دەرەوە بەتایبەتی ڕۆژی (21)‌ و رۆژانی دواتر كە هاووڵاتیان سەردانی سەیرانگە و شوێنە گەشتیارییەكان دەكەن، لە تەواوی رێگەوبانەكان مەفرەزە‌ و ئەفسەر‌ و رێپێدرا‌و و كارمەندانی هاتوچۆ  بونیان دەبێت ئەویش بەمەبەستی هاوكاریكردنی هاووڵاتیان‌ و ڕێكخستنی رەوشی هاتوچۆ".

ئاماژەی بەوەشدا: سواربوونی سەرنشین‌ و منداڵ لەناو ئۆتۆمبێلی دوا بەتاڵ و شوێنی نەشیا‌و قەدەغەیە و پێویستە سەرجەم شۆفێر‌ و سەرنشینەكان پشتێنی سەلامەتی بەكاربهێنن.

پ:س.م



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە