شەڕ لەنێوان یەبەشە و سوپای عێراق روویدا

هەواڵ / کوردستان :: 17/03/2019‌ :: 1034‌ جار بینراوە

دواڕۆژ، رەڤەند گوهەرزی

(ئەمشەو 17ی ئازاری 2019) شەڕ لەنێوان سوپای عێراق و یەکینەکانی بەرخودانی شەنگال روویدا.


عیدۆ حەیدەر، فەرماندەی هێزی ئێزیدخان بە دواڕۆژی راگەیاند: لە دەروازەی نێوان رۆژئاوای کوردستان و شەنگال شەڕ لەنێوان یەبەشە و سوپای عێراقدا روویداوە.

وتیشی: "شەڕەکە بۆ چەند کاتژمێرێک بەردەوام بووە و لەهەردوولا کوژراو و بریندار هەیە".

ئەوەشی وت: "سوپای عێراق بریندارەکانیان گواستوەتەوە بۆ نەخۆشخانەی ناحیەی سنونێ و پێدەچێت یەبەشەش بریندارەکانیان بردبێتەوە رۆژئاوای کوردستان".

ئاماژەی بەوەشکرد: یەکینەکانی بەرخودانی شەنگال و سوپای عێراق لەئێستادا رووبەڕووی یەک لە حاڵەتی ئامادەباشیدان بە تایبەت لە ناحیەی سنونێ.

بەپێی سەرچاوەکانی دواڕۆژ شەڕەکە سەرەتا لەوەوە دروستبووە کە هێزێکی سوپای عێراق لە ناوچەکە و دەروازەکە بوون، بەڵام چەند رۆژێکە ئەو هێزە رۆیشتوون و جێگرەوەکەیان هاتووە کە لەگەڵ یەبەشە بووەتە ناکۆکییان و شەڕەکە دروستبوە.

پ: چ.ع



created by Avesta Group and powered by Microsoft Azure

بەپەلە