روونكردنەوە سەبارەت بەو ئۆتۆمبیلەی هاتوچۆ دەدرێت كە وەرگەڕابوو

هەواڵ / کوردستانی :: 17/03/2019‌ :: 3288‌ جار بینراوە

دواڕۆژ، پشتیوان جەمال

بەڕێوەبەرایەتی هاتوچۆی سلێمانی رایدەگەیەنێت: ئەو ئوتومبیلەی هاتوچۆ كە وەرگەڕابوو هی ئەوان نییە و هەر شۆفێرێکیان سەرپێچی بكات رووبەڕووی یاسا دەكرێتەوە.

رائید كاروان حەمەسدیق، وتەبێژی بەڕێوەبەرایەتی هاتوچۆی سلێمانی ئەمڕۆ 17ی ئازاری 2019 بەدواڕۆژی راگەیاند: ئەو ئۆتۆمبێلەی هاتوچۆ كە لە چەند رۆژی رابردوو وەرگەڕابوو ئۆتۆمبێلی ئەوان نییە.

 

سەبارەت بەوەی تائێستا هیچ حاڵەتێك هەبووە شۆفێری ئوتومبیلی هاتوچۆیان سەرپێچی كردبێت، ناوبراو روونیكردەوە: تائێستا حاڵەتی سەرپێچی شۆفێری ئۆتۆمبێلی هاتوچۆ نەبووە، بەڵام هەر حاڵەتێك هەبێت وەك هەر ئۆتۆمبێلێكی دیكەی حكومی شۆفێرەكە رووبەڕووی كاری یاسایی دەكرێتەوە. 

لە چەند رۆژی رابردوودا وێنەی ئۆتۆمبێلێكی هاتوچۆ لە تۆڕە كۆمەڵایەتییەكان و بەشێك لە میدیاكان بڵاوكرایەوە كە كامێرایەكی چاودێریشی تێدا بوو وەرگەڕابوو ئەوەش بووە جێی سەرنجی هاووڵاتیان كە ئۆتۆمبێلی هاتوچۆش سەرپێچی دەكات. 

پ: ک. س



created by Avesta Group and powered by Microsoft Azure