بەرهەمی نوێی دوو نووسەر بڵاوكرایەوە

هەواڵ / که‌لتور :: 16/03/2019‌ :: 144‌ جار بینراوە

دواڕۆژ، پشتیوان جەمال

ناوەندی رۆشنبیری ئەندێشە، حەوت كتێبی وەرگێڕاوی دوو نووسەری دیاری كوردی  بەواژۆی خۆیان بڵاوكردەوە.


پاشنیوەڕۆی ئەمڕۆ 16ی ئازاری 2019 لە شاری سلێمانی، ناوەندی رۆشنبیری ئەندێشە حەوت كتێبی وەرگێڕاوی نووسەران (ئازاد بەرزنجی و دلاوەر قەرەداغی) بڵاوكردەوە، ئازاد بەرزنجی، نووسەر بەدواڕۆژی راگەیاند: بەرهەمەكانی سێ كتێب بوون، یەكێكیان گێڕانەوەیەكی شیعری كە سوودی لە ژیانی بودا وەرگرتووە، دووەمیان (پرسیارەكان) كۆمەڵێك پرسیاری فەلسەفەیە تایبەت بە حەقیقەت و ژیان و مردن، سێیەمیش نوێژی دەریا، باس لەكارەساتی ئەیلان كوردی دەكات كە لەدەریای ئیجە گیانی لەدەستدا.

هاوكات دلاوەر قەرەداغی بۆ دواڕۆژی روونكردەوە: ئەمڕۆ چوار كتێبی بڵاوكراوەنەوە كە لەلایەن دوو نووسەرەوە نوسراون، یەكێكیان رۆمانی نووسەرێكی سوویدییە كە بە بنەچە یۆنانییە، سێ كتێبەكەی دیكەش  به‌رهه‌مى خانمێكی ئێرانییە، كتێبەكان بەناوەكانی (بەفێنكایی لێوەكانی)، (ماڵێك لەئاسمان شەش چیرۆكە، منیش چێ گیڤارام، ژیانێكی سادە).

پ: س.م



created by Avesta Group and powered by Microsoft Azure