لە هەڵەبجە هێزە ئەمنییەکان کەوتنە حاڵەتی ئامادەباشییەوە

هەواڵ / کوردستان :: 15/03/2019‌ :: 233‌ جار بینراوە

دواڕۆژ، علی حەمەسەعید


وەک ئامادەکارییەک بۆ بەڕێوەچوونی یادی 31 ساڵەی تاوانی کیمیابارانی هەڵەبجە و ڕێگریکردن لە هەر ڕووداوێکی نەخوازرا و لە کاتی بەڕێوەچوونی چالاکییەکانی یادی کیمیابارانی هەڵەبجە هێزە ئەمنییەکانی پارێزگای هەڵەبجە خرانە حاڵەتی ئامادەباشییەوە.


ئازاد تۆفیق، پارێزگاری هەڵەبجە بە دواڕۆژی ڕاگەیاند: سەرجەم ئامادەکارییەکانی تایبەت بە بەڕێوەچوونی یادی 31 ساڵەی تاوانی کیمیابارانی هەڵەبجە بەکۆتاگەیشتوون، سبەی 16/3/2019 لە یاریگای گشتی هەڵەبجە یادەکە بەڕێوەدەچێت، هاوکات هەموو ڕێوشوێنێکی پێویستیش گیراوەتەبەر.

ئاماژەی بەوەشکرد: بەمەبەستی ڕێگریکردن لە هەر ڕووداوێکی نەخوازراو لە کاتی بەڕێوەچوونی مەراسیمی یادی تاوانی کیمیابارانی هەڵەبجە و بە دەمەوەچوونی هاوڵاتیان لە حاڵەتی پێویستدا هێزە ئەمنییەکان و پزیشکان و کارمەندانی تەندروستی خراونەتە حاڵەتی ئامادەباشییەوە.

پارێزگاری هەڵەبجە ئەوەشی خستەڕوو: بە دەیان کونوسوڵ و نوێنەری وڵاتان و بەرپڕسانی باڵای عێراق و هەرێمی کوردستان باگهێشتی یادەکە کراون، دەمانەوێت ئەم یادە بکەینە دەرفەتێک بۆ زیاتر ئاوڕلێدانەوەی هەڵەبجە و خزمەتکردنی کەسوکاری شەهیدان. 

 

پ: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure