لۆگۆی تایبەت بە یادی 31 ساڵەی کیمیابارانی هەڵەبجە بڵاوکرایەوە

هەواڵ / کوردستان :: 14/03/2019‌ :: 512‌ جار بینراوە

دواڕۆژ، عەلی حەمەسەعید


دوای ئەوەی ئەمڕۆ ڕاگەیەنرا کە دروشمی یادی31 ساڵەی تاوانی کیمیابارانی هەڵەبجە بریتی دەبێت لە (هەڵەبجە بەرەو هیوا هەڵەبجە بەرەو ژیانەوە) بە فەرمیی لۆگۆیەک بۆ یادەکە دەسنیشانکرا.

ئیبراھیم زۆراب، دیزاینەری لۆگۆی 31 ساڵەی یادی تاوانی ھەڵەبجە بەدواڕۆژی ڕاگەیاند: ئەو لۆگۆیەی کە بۆ یادی تاوانی کیمیابارانی هەڵەبجە پەسەندکراوە لە دوشمی یادەکەوە سەرچاوەی گرتووە، بەجۆرێک ئەوە بگەیەنرێت کە ھێشتا ھیوا و ژیان لەشارەکە بوونی ماوە و دەبێت ئاوەدان بکرێتەوە و لەبەرئەوەی پایتەختی ئاشتییە، دەستی ناو لۆگۆکە لەشێوەی کۆتری سپی دایە، کەنیشانەی ئاشتییە.

ئەوەشی خستەڕوو، هەر لەناو لۆگۆکەدا ڕەنگەکانی ئاڵای کوردستانم تێدا جێکردوەتەوە و وێنەیەکی مۆنۆمێنت بە بەرنامە دیزاین کراوە و جێگەی کراوەتەوە کە سەرجەمییان گوزارشتن لە نیشانە تایبەتییەکانی شەهیدان و بریندارانی ئەو تاوانە.

هەر ئەمڕۆش لە کۆنگرەیەکی ڕۆژنامەوانیدا، کامەران مستەفا، وتەبێژی یادی 31 ساڵەی تاوانی کیمیابارانی هەڵەبجە ئاماژەی بەوەکرد، یادی تاوانی کیمیابارانی هەڵەبجە بە دروشمی (هەڵەبجە بەرەو هیوا هەڵەبجە بەرەو ژیانەوە) لە یاریگای گشتی هەڵەبجە لەکاتژمێر 10:30خولەک بەرنامەکانی یادەکە بەڕێوە دەچن.

پێداچوونەوە: ئارام غەفور 



created by Avesta Group and powered by Microsoft Azure