رووداوێکی هاتوچۆ ۹ کەس دەكاتە قوربانی

هەواڵ / کوردستان :: 14/03/2019‌ :: 2678‌ جار بینراوە

دواڕۆژ، بورهان یەحیا


لە ئەنجامی رووداوێکی هاتوچۆ لە پارێزگای دهۆک، نزیک ناحیەی باعەدرێ نۆ کەس دەبنە قوربانی.

دڵشاد محەمەد بەرپرسی راگەیاندنی هاتوچۆی قەزای شێخان (ئەمڕۆ پێنجشەمممە ۱٤ ئادار ۲۰۱۹) بە دواڕۆژ راگەیاند: لەسەر شەقامی گشتی لەنێوان شێخان و ناحیەی باعەدرێ لە ئەنجامی پێكادانی دوو ئۆتۆمبێل دوو کەس گیانیان لەدەستدا و حەوت کەسی تریش بریندار بوون".


وتیشی: "رووداوەکە ئەمڕۆ کاتژمێر ۱۱:۳۰ خولەک لەنێوان دوو ئۆتۆمبێلی جۆری تۆیۆتا راف لەگەڵ ئۆتۆمبیلێكی سەربازی جۆری میگزەمینی بووە و بریندارەکانیش بۆ نەخۆشخانە گواستراونەتەوە".

پێداچوونەوە: ئارام غەفور 



created by Avesta Group and powered by Microsoft Azure