له‌یادی هه‌ڵه‌بجه‌دا كه‌مترین وتار ده‌خوێنرێته‌وه‌

هەواڵ / کوردستان :: 14/03/2019‌ :: 252‌ جار بینراوە
کامەران مستەفا، وتەبێژی یادی 31 ساڵەی تاوانی کیمیابارانی هەڵەبجە

دواڕۆژ، عەلی حەمەسەعید

وتەبێژی یادی 31 ساڵەی کیمیابارانی هەڵەبجە وردەکاری چۆنییەتی بەڕیوەچوونی یادەکەی بۆ دەزگاکانی راگەیاندن ئاشكراكرد و وتی: "له‌یاده‌كه‌دا كه‌مترین وتار ده‌خوێنرێته‌وه‌".


کامەران مستەفا، وتەبێژی یادی 31 ساڵەی تاوانی کیمیابارانی هەڵەبجە (ئەمڕۆ پێنجشەممە 14ى ئازارى 2019) لە کۆنگرەیەکی رۆژنامه‌وانیدا رایگه‌یاند: دروشمی یادەکە بریتییە لە (هەڵەبجە بەرەو ژیانەوە هەڵەبجە بەرەو هیوا) لە رۆژی 2019/3/16 لە کاتژمێر 10:30 خولەک لە یاریگای گشتی هەڵەبجە بەڕێوەدەچێت، ئەمساڵیش کەمترین وتار لە یادەکەدا دەخوێنرێتەوە، بەڵام دەمانەوێت زۆرترین چالاکی جۆراوجۆر ئەنجام بدەین.

ئاماژەی بەوەشکرد: دەمانەوێت یادی 31 ساڵەی تاوانی کیمیابارانی هەڵەبجە بکەینە دەرفەتێک بۆ کۆکردنەوەی زۆرترین هاوکاری نێودەوڵەتی و ناوخۆیی بۆ زیاتر ئاوەدانکردنەوەی هەڵەبجە، بۆ ئەو مەبەستەش زۆرترین كونسڵ و نوێنەری وڵاتانی بیانی بانگهێشتی یادەکە کراون.

هەر لە کۆنگرە ڕۆژنامەوانییەکەدا، کامەران مستەفا ئەوەشی خستەڕوو: لەلایەن وەزارەتی داراییەوە بڕی 50 ملیۆن دینار تەرخانکراوە بۆ بەڕێوەچوونی یادەکە، هاوکات جگەلە رۆژی  3/16، له رۆژانی 17 و 18 لە قەزاکانی شارەزوور و پێنجوێن و سەیدسادق و هەورامان درێژە بە چالاکییەکانی یادی 31 ساڵەی تاوانی کیمیابارانی هەڵەبجە ده‌درێت.

پێداچوونه‌وه‌: ئیحسانی مه‌لا فوئاد



created by Avesta Group and powered by Microsoft Azure