ئاسایشی سلێمانی نهێنییه‌كی له‌سه‌ر دزیكردنه‌كه‌ ئاشكراكرد

هەواڵ / کوردستانی :: 13/03/2019‌ :: 11340‌ جار بینراوە
وێنەی کۆنگرەی رۆژنامەوانییەکە

دواڕۆژ، هۆگر کەمال

(ئەمڕۆ 13ی ئازاری 2019) بەڕێوەبەرانی ئاسایش و پۆلیسی سلێمانی زانیاری تەواویان لەسەر تۆمەتبارانی دزینی پارەکەی نەخۆشخانەی شاری سلێمانی ئاشکرا کرد. 

حەسەن نوری، بەڕێوەبەری ئاسایشی سلێمانی لە کۆنگرەیەکی رۆژنامەوانیدا رایگەیاند: ئاژانسی زانیاری و دژەتیرۆر سەرەداوی رووداوەکەیان ئاشکرا کردوە و هێزە ئەمنییەکان دەستگیریان کردوون.

وتیشی: "ئەمڕۆ بە بڕیاری دادوەر مووچەکە دەگەڕێنرێتەوە بۆ نەخۆشخانەی شار و دابەشدەکرێت".

ئەوەشی وت: "تۆمەتبارەکان 7 کەسن و لە ناو شاری سلێمانی و دەوروبەری دەستگیرکراون و دانیان بە تاوانەکەیاندا ناوە".

باسی لەوەشکرد: 80 لەسەدی ئەندامانی ئەو باندە پێشتر چەندین دزیان کردووەو لە زینداندا بوون و لەناو زیندان یەکتریان ناسیوە و یەکێک لە سەرۆکی باندەکە ماڵی نزیکی بانکەکەیە و ئاگای لە بردنی پارەی بانکەکەیە و لەڕێگەی زیندانییەکی دیکەوە کە کەسێکی لە لیژنەی پارەی بانکەکەدا هەبووە توانیویانە پیلانی دزییەکە دابنێن.

هێمای بۆ ئەوەشکرد: کە رەنگە یەکێک لە فەرمانبەرانی بانکەکە بەشداری تاوانەکە بووبێت.

پ: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure