نەرویج كێشەی خستنەوەی وەچەی هەیە

هەواڵ / جیهان :: 10/03/2019‌ :: 422‌ جار بینراوە

تاگ :: جیهان

دواڕۆژ


بەپێی چەند داتایەكی رەسمیی كە حكومەتی نەرویج بڵاویكردۆتەوە، وڵاتەكەیان بەدەست كەمبوونەوەی وەچەوە دەناڵێنێت، داتاكە ئەوەشی ئاشكرا كردووە، ئەو ئامارە لە سەدەی 19وە بەمجۆرە نەبووە.

دەزگای ئاماری نەرویجی ئاشكرایكردووە، ئەو ئامارە كەمترین رێژەیە كە لەسەدەی 19ەوە بەوجۆرە كەمە تۆمارنەكراوە و داتاكەش لەلایەن وەزارەتی خێزانی نەرویجییەوە پشتڕاستكراوەتەوە.

ئیسبن ئەندرسن لەدەزگای ئاماری وڵاتەكە دەڵێت: "ساڵی 2017دا 56 هەزار و 633 منداڵ لەدایكبوون و ساڵی 2018ش رێژەكە كەمبووەتەوە بۆ 55 هەزار و 120 منداڵ كە ئەو هاتنەخوارەوەیە لە ساڵی 2009ەوە بەردەوامیی هەیە.

ئەندرسن ئەوەشی ئاشكراكردووە: لەساڵی 1970ی سەدەی رابردوو، هەر دایكێك 2.5 منداڵی بووە، بەڵام ساڵی پار ئەو رێژەیە كەمبووەتەوە بۆ 1.5 منداڵ بۆ هەر دایكێك.

ئا: ئارام غەفور 

پێداچوونەوە: ئیحسانی مەلا فوئاد



created by Avesta Group and powered by Microsoft Azure