خۆپیشاندانەكانی جەزائیر... ناڕەحەتییەكی گەورە بۆ فڕەنسا

هەواڵ / جیهان :: 10/03/2019‌ :: 175‌ جار بینراوە

تاگ :: جیهان

دواڕۆژ


لەگەڵ ئەوەی خۆپیشاندانەكانی جەزائیر رۆژ بەڕۆژ بەرەو هەڵكشان دەچێت، بەڵام چاودێران پێیانوایە ئەو ناڕەزایەتییانە كاریگەرییان بۆ سەر فڕەنسا هەبێت.


ئەو خۆپیشاندانە بەردەوامەی سێ هەفتەیە جەزائیری گرتۆتەوە، وەك ناڕەزایی دەربڕینێكی توند دژی پێنجەمین خولی سەرۆكایەتی عەبدولعەزیز بوتەفلیقە بە ڕواڵەت هیچ كارێكی لەسەر فڕەنسا نەكردووە و كۆشكی ئەلیزێ بەشێوەیەكی چاوەڕواننەكراو بێ دەنگە، بەڵام هەواڵە دزە پێ كراوەكان دەڵێن سەرۆك ماكرۆن و تیمەكەی دەڵێن زۆر زۆر سەرقاڵن بە دۆسیەیی جەزائیرەوە و دەوترێت هەرەس هێنانی ڕژێمی جەزائیر كارەسات بەسەر حكومەتی فڕەنسادا دەهێنێت.

وەزیری دەرەوەی فڕەنسا لە تازەترین لێدوانی ئاشكرایدا وتی: "ئەوەی لە جەزائیر ڕوو دەدات مەسەلەیەكی ناوخۆییە و فڕەنسا دەست وەرناداتە كاروباری هیچ وڵاتێكەوە". 

خەڵكی فڕەنسا بە گشتی و خۆپیشاندەران بە تایبەتی لەو باوەڕەدان كە چینە دەسەڵاتدارەكەی جەزائیر سەر بە فڕەنسایە و هەر لەبەر ئەمەشە لە خۆپیشاندانەكانیاندا دروشمی دژ بە فڕەنسا بڵاودەكەنەوە.

كاربەدەستانی گەورەی فڕەنسا لەوە دەترسن لەم ساتە وەختەدا بوتەفلیقە بمرێت و جەزائیر بكەوێتە گێژاوەوە، چونكە ئەو كاتە كێشەی گەورەش بۆ ماكرۆن دروستدەبێت.

فڕەنسا لەوە دەترسێت بارودۆخی جەزائیر لە ئەنجامدا ببێتەهۆی كۆچكردنی شەپۆلێكی تازەی كۆچبەران بۆ فڕەنسا و بەرزبونەوەی مەترسییەكانی تیرۆر دژی ئەوروپا و فڕەنسا بەشێوەیەكی گشتی، ئەمە جگە لە كاریگەری خراپی دۆخەكە بە شێوەیەكی ڕاستەوخۆ لەسەر بەرژەوەندییەكانی فڕەنسا، ڕۆژنامەكانی فڕەنسا پێشبینی دەكەن لە ترسی نائارامبوونی وڵات سەدان هەزار گەنجی جەزائیری كۆچ بكەن. 

هەلی كاریان بۆ 40 هەزار كەس دابینكردووە، بۆیە ئەگەر بارودۆخی ئەمنی جەزائیر تێكبچێت، ئەوا بەرژەوەندییە ئابورییەكانی فڕەنسا زیانی گەورەی پێدەگات. 

پێداچوونەوە: ئارام غەفور 



created by Avesta Group and powered by Microsoft Azure