لە هەڵەبجە بەشێوەیەکی جیاواز یادی 8ی مارس کرایەوە

هەواڵ / که‌لتور :: 08/03/2019‌ :: 372‌ جار بینراوە

دواڕۆژ، عەلی حەمەسەعید

جیاواز لە خوێندنەوەی بەیاننامە و ئاراستەکردنی داواکاری لە لایەنە پەیوەندیدارەکان بۆ باشترکردنی ڕەوشی ژنان، ئەمڕۆ ژنانی پارێزگای هەڵەبجە بە چەند چالاکییەکی جیاواز یادی 8ی مارسیان کردەوە. 


هێرۆ وەکیل، بەرپرسی بەشی ژنان لە ڕێکخراوی نوێ بۆ پاراستنی ژینگە و مافەکانی ژنان (ئەمڕۆ هەینی 8ی ئازاری 2019) بەدواڕۆژی ڕاگەیاند: ئێمەی ژنانی هەڵەبجە نامانەوێت بە بەیاننامە و پێدانی پێشنیار ئەو یادە بکەینەوە کە چەندین ساڵە دوبارە دەبێتەوە، چونکە هەموان دەزانن ژنان چیان دەوێت و داوای چی دەکەن، چەندین ساڵە داواکاری پێشکەش دەکەین و جێبەجێ ناکرێن.

وتیشی: "ئەمڕۆ بە گرنگمانزانی کە بەشێوەی مەیدانی سەردانی ئەو ژنانە بکەین کە بۆ دابینکردنی بژێوی ژیانیان دەستیان بە کارکردن کردووە و بەڕەنجی شانی خۆیان بژێوی بۆ ماڵ و منداڵەکانیان پەیدا دەکەن".

ئەو ژنە چالاکوانەی بواری ژنان ئەوەشی خستەڕوو: سەرەڕای ئەوەی چەند ساڵێکە هەڵەبجە بووەتە پارێزگا، بەڵام تائێستا هیچ سەنتەر و شێڵتەرێکی تایبەت بە داڵدەدانی ژنان بوونی نییە و لایەنە پەیوەندیدارەکانیش نەیانتوانیوە سەنتەرێکی لەوجۆرە بۆ ژنان بکەنەوە.

پ: ن.ر



created by Avesta Group and powered by Microsoft Azure