ئامێدی: پێشبینیێن ھاتنا رێژەیەکا زۆر یا گەشتیاران بۆ وێ دەڤەرێ دھێتەکرن

هەواڵ / ئابوری :: 06/03/2019‌ :: 402‌ جار بینراوە

دواڕۆژ، رەڤەند گوھەرزی

ل گور گوتنا بەرپرسێ نڤیسینگەھا پیشەی یا گەشت و گوزاری ل سیلاڤێ، پێشبینی دھێنەکرن ب ھەلکەفتا بیرەوەریێن ئادارێ رۆژی رێژەیەکا زۆر یا گەشتیاران ئەڤ ساڵە سەردانا جھێن گەشتیاری بکەن ل سنورێ قەزا ئامێدیێ .

حەمید ئامێدی، بەرپرسێ نڤیسینگەھا پیشەی یا گەشت و گوزاری ل سیلاڤێ بۆ دواڕۆژ راگەھاند: "ئەف ساڵە مە ئامادەکاریێن خوە باشتر ژساڵێن بووری یێت کری، ژبەر کو دھێتە پێشبینیکرن رێژەیەکا زۆرتر یا گەشتیاران سەردانا جھێن گەشتیاری بکەن ب تایبەت ل سنورێ قەزا ئامێدیێ" .

گۆتژی: "ئەو کومپانیێن بەر نوکە گروپێن گەشتیاری دئینان نوکە دوو جاران سەردانا جھێن گەشتیاری دکەن ل سنورێ ئامێدیێ، کو پێشتر ل قەزایێن زاخۆ و شێخان و ئاکرێ تەنێ رۆژەکێ سەردانا وان دەڤەران دکرن".

دیارکر ژی: "ب ھەلکەفتا بیرەوەریێن ھەیڤا ئادارێ ئامادەکاری یێت ھاتیەکرن ب تایبەت ل سەر پاقژیا وان جھێن گەشتیاری یێن کو دێ گەشتیار سەردانا وان وان کەن ب ھەمئاھەنگی دگەل کومپانیا و ھەمی رێڤەبەبەریێن شارەوانیان".

حەمید دازانین ژی: "خوارنگەھـ و مۆتێل ل ھاڤینگەھا سیلاڤێ دێ ھێنەڤەکرن، کو ساڵا بووری ژی خوارنگەھـ و مۆتێل و شریناھی ھاتبوونە ڤەکرن و جھێ نڤستن و مانگا گەشتیاران باشتر ژساڵێن چووی ھاتیە ئامادەکرن".

بەرپرسێ نڤیسینگەھا پیشەی یا گەشت و گوزاری ل سیلاڤێ بۆ دواڕۆژ راگەھاند: "بۆ ھندێ کو ئاسانکاریێن زێدەتر بۆ گەشتیاران بھێنەکرن، تابلۆ و ناڤ و نیشانێن ھەمی جھێن گەشتیاری ھاتە ئامادەکرن و دگەلدا دەلیلێن گەشتیاری ھاتینە بەرھەفکرن".

خۆیاکر ژی کو، ژلایێ ئابووری ژی ڤە ھاتنا رێژەیەکا زۆر یا گەشتیاران بۆ دەڤەرێ کاریگەریەکا باش یا ھەی ل سەر زێدەبوونا داھاتی بۆ خەڵکێ ب  شێوەیەکێ گشتی چونکی ھاتنا وان دێ لڤینێ ئێخیتە کارێ خوارنگەھـ و کافی و مۆتێلان.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە