زانکۆی کەرکوک کۆنفرانسی نێودەوڵەتی کۆمپیوتەر و تەکنەلۆجیای رێکخست

هەواڵ / کوردستان :: 03/03/2019‌ :: 171‌ جار بینراوە
وێنه‌ى داهێنانێك كه‌ له‌ كۆنفڕانسه‌كه‌دا نمایشكرا

دواڕۆژ، عیماد جەباری

زانکۆی کەرکوک کۆنفڕانسی نیودەوڵەتی کۆمپیوتەر و تەکنەلۆجیای زانیاری رێکخست کە ماوەی سێ رۆژ بەردەوامدەبێت.


عومەر ئینجە، یاریدەدەری سەرۆکی زانکۆی کەرکوک (ئەمڕۆ یەکشەممە 3ی ئازار) بە دواڕۆژی راگەیاند: "لەکۆنفرانسەکەدا 55 توێژینەوەی نمونەیی دەخرێنەڕوو کە دواتر لەچەند رۆژنامە و سایتێکی نێودەوڵەتی تایبەت بەزانستی تەکنەلۆجیا بڵاودەکرێنەوە".

کۆنفرانسەکە لەلایەن کۆلێژی زانستی کۆمپیوتەر و تەکنەلۆجیای زانیاری سەر بەزانکۆی کەرکوک  بەهاوکاری دامەزراوەی نوسینگەی IEEE ی ئەمریکی لەعێراق رێکخرابوو.

دکتۆر بورهان فەخرەدین، راگری کۆلێژی زانستی کۆمپیوتەر و تەکنەلۆجیای زانیارییەکان بە دواڕۆژی وت: "گرنگی ئەم کۆنفرانسە لەوەدایە کە بەپشتگیری دامەزراوەی IEEE ی نێودەوڵەتی ئەمریکیەوە ئەنجامدراوە، لەلایەن کۆمەڵێک دامودەزگای حکومی و ناحکومی هاوکاری مادی کراوین بۆ ئەم پرۆژەیە، چونکە دەزانن ئەم کۆنفرانسە زۆر گرنگە بۆ وڵات".

وتیشی: "لە کۆنفرانسەکەدا 31 توێژینەوە تاوتوێدەکرێن لەگەڵ ئەوەشدا کۆمەڵێک وۆرکشۆپ و بابەتی زانستی لە نێوان قوتابیاندا تاوتوێدەکرێن".

هاوکات هەر ئەمڕۆ لەیەکەم رۆژی کۆنفڕانسەکەدا ژمارەیەک داهێنانی خوێندکاران خرانەڕوو.

پێداچونه‌وه‌: ئاهه‌نگ حسێن



created by Avesta Group and powered by Microsoft Azure