زیاتر لە 17 دەفتەر دۆلار لە كۆمپانیایه‌ك ده‌دزرێت

هەواڵ / کوردستان :: 03/03/2019‌ :: 1523‌ جار بینراوە

دواڕۆژ، پشتیوان جەمال

پۆلیسی سلێمانی رایدەگەیەنێت: لە بازاڕی جگەرەی سلێمانی دزی لە كۆمپانیایەك كراوە و بڕی 170 تا 190 هەزار دۆلاری دزراوە، بەو هۆیەشەوە كارمەندێكی كۆمپانیاكە دەستگیركراوە.


نەقیب سەركەوت ئەحمەد، بەڕێوەبەری راگەیاندن و پەیوەندییەكان لە بەڕێوەبەرایەتی پۆلیسی سلێمانی (ئەمڕۆ 3ی ئازاری 2019) بە دواڕۆژی راگەیاند: رۆژی 28ی شوباتی 2019، ئافرەتێك چۆتە كۆمپانیایەك لەناو بازاڕی جگەرە، دیارە كۆمپانیاكە كڕین و فرۆشتنی ئامێری كارەبایی و جگەرە دەكات، لە گرتە ڤیدیۆییەكە دەردەكەوێت ئەو ئافرەتە دەڕواتە ناو دوكانەكە و دوای چەند چركەیەك گڵۆپی دوكانەكە دەكوژێتەوە و دوای نزیكەی پێنج خولەك ئافرەتەكە دەڕواتە دەرەوە و گڵۆپی دوكانەكە دەكرێتەوە، پاشان دەزانرێت بڕی 170 هەزار تا 190 هەزار دۆلار واتە (17 تا 19 دەفتەر دۆلار) كە لەناو عەلاگەیەكدا بووە لەو دوكانە دزراوە.

بەوتەی ناوبراو، پۆلیسی نەهێشتنی تاوانە چوونەتە شوێنی رووداوەكە و ئەو پیاوەی لەدوكانەكەدا بووە دەستگیركراوە و كە كارمەندی كۆمپانیاكەیە، وێنەی ئافرەتەكەش دەستكەوتووە و پۆلیسی سەرقاڵی دۆزینەوەیەتی.

سەبارەت بەوەی كاتێك ئەو ئافرەتە چۆتە دوكانەكە، بۆچی ئەو پیاوە قسەی نەكردووە؟، وتەبێژی پۆلیس وتی: "دیارە تەنسیقێك لەنێوان ئەو كەسە و ئەو ئافرەتەدا هەیە كاتێك ئەو ئافرەتە چۆتە ژوورەوە، تەنسیق بۆ مەبەستی دزینی پارەكە نا، بەڵكو پیاوەكە ئەو ئافرەتە دەناسێت، چونكە ئافرەتەكە هەندێك هەڵسوكەوت دەكات ئەو هەڵسوكەوتەش هی كەسێك نییە كە نەیناسێت".

دواڕۆژ سەردانی ئەو بازاڕەی كرد بۆ وەرگرتنی لێدوانی خاوەن كۆمپانیاكە، بەڵام دوكانەكە داخرابوو، ژمارەیەك هاوسێشی وتیان لەبەر ناوبانگی بازاڕەكە كەس قسەی لەسەر ناكات.

سەبارەت بەوەی ماوەیەكە حاڵەتی دزیكردن لە سلێمانی زۆر بووە، بەڵام نەقیب سەركەوت دەڵێت: "دزی زۆر نەبووە، بەڵكو دەستبڕین و خواردنی پارە زۆر بووە بەهەر هۆكارێك بێت، بۆ نموونە كەسێك كۆمپانیایەك دادەنێت بە حساب لە وڵاتی عەرەبی شوێنی هەیە، پارە لە خەڵك وەردەگرن و دواتر پارەكان دیارنامێنن، بۆ ئەو حاڵەتانەش خەڵك سكاڵا تۆماردەكەن و كەسەكانیش دەستگیردەكرێن".

دەربارەی ئەوەش كە ئایا راستە دەوترێت ئێستا هەندێك ئافرەتی ئێرانی هاتوونەتە سلێمانی و لەشێوەی باندن، وتەبێژەكەی پۆلیسی سلێمانی روونیكردەوە: كەس ناتوانێت كەس بخەڵەتێنێت ئەگەر هەماهەنگییەك لەلایەن بەرامبەرەوە نەبێت، بۆ نموونە ئەگەر كەسێك مەبەستی نەبێت ئافرەتێك دێتە بەردەم كۆمپانیاكەی دەریدەكات و نایباتە ژوورەوە.

هەروەها وتیشی: "ئافرەتی ئێرانی كورد و فارسیش هاتوون، بەڵام چەندێك دەزگای ئەمنی لە ئەمنییەتی خەڵك بەرپرسە، ئەوەندەش خەڵك لە ئەمنیەتی خۆی بەرپرسیارە، ئەوانەی دزی و لەشفرۆشی بكەن دەستگیركراون".

 

پ: ک. س

پۆلیسی سلێمانی: لەدوكانێكی بازاڕی جگەرە زیاتر لە 170 هەزار دۆلار دزراوە
دواڕۆژ، پشتیوان جەمال
 
پۆلیسی سلێمانی رایدەگەیەنێت، لە كۆمپانیایەكی بازاڕی جگەرەی سلێمانی دزی لە كۆمپانیایەك كراوە و بڕی 170 تا 190 هەزار دۆلاری دزراوە، بەو هۆیەشەوە كارمەندێكی كۆمپانیاكە دەستگیركراوە.
 
نەقیب سەركەوت ئەحمەد، بەڕێوەبەری راگەیاندن و پەیوەندییەكان لە بەڕێوەبەرایەتی پۆلیسی سلێمانی (ئەمڕۆ 3ی ئازاری 2019) بەدواڕۆژی راگەیاند، رۆژی 28ی شوباتی 2019، ئافرەتێك چۆتە كۆمپانیایەك لەناو بازاڕی جگەرە، دیارە كۆمپانیاكە كڕین و فرۆشتنی ئامێری كارەبایی و جگەرە دەكات، لەگرتە ڤیدیۆییەكە دەردەكەوێت ئەو ئافرەتە دەڕواتە ناو دوكانەكە و دوای چەند چركەیەك گڵۆپی دوكانەكە دەكوژێتەوە و دوای نزیكەی پێنج خولەك ئافرەتەكە دەڕواتە دەرەوە و گڵۆپی دوكانەكە دەكرێتەوە، پاشان دەزانرێت بڕی 170 هەزار تا 190 هەزار دۆلار واتە (17 تا 19 دەفتەر دۆلار) كە لەناو عەلاگەیەكدا بووە لەو دوكانە دزراوە.
 
بەوتەی ناوبراو، پۆلیسی نەهێشتنی تاوانە چوونەتە شوێنی رووداوەكە و ئەو پیاوەی لەدوكانەكەدا بووە دەستگیركراوە و كە كارمەندی كۆمپانیاكەیە، وێنەی ئافرەتەكەش دەستكەوتووە و پۆلیسی سەرقاڵی دۆزینەوەیەتی.
 
سەبارەت بەوەی كاتێك ئەو ئافرەتە چۆتە دوكانەكە، بۆچی ئەو پیاوە قسەی نەكردووە؟، وتەبێژی پۆلیس وتی "دیارە تەنسیقێك لەنێوان ئەو كەسە و ئەو ئافرەتەدا هەیە كاتێك ئەو ئافرەتە چۆتە ژوورەوە، تەنسیق بۆ مەبەستی دزینی پارەكە نا، بەڵكو پیاوەكە ئەو ئافرەتە دەناسێت، چونكە ئافرەتەكە هەندێك هەڵسوكەوت دەكات ئەو هەڵسوكەوتەش هی كەسێك نییە كە نەیناسێت".
 
دواڕۆژ سەردانی ئەو بازاڕەی كرد بۆ وەرگرتنی لێدوانی خاوەن كۆمپانیاكە، بەڵام دوكانەكە داخرابوو، ژمارەیەك هاوسێشی وتیان لەبەر ناوبانگی بازاڕەكە كەس قسەی لەسەر ناكات.
 
سەبارەت بەوەی ماوەیەكە حاڵەتی دزیكردن لە شاری سلێمانی زۆر بووە، بەڵام نەقیب سەركەوت دەڵێت "دزی زۆر نەبووە، بەڵكو دەستبڕین و خواردنی پارە زۆر بووە بەهەر هۆكارێك بێت، بۆ نموونە كەسێك كۆمپانیایەك دادەنێت بەحساب لەوڵاتی عەرەبی شوێنی هەیە، پارە لە خەڵك وەردەگرن و دواتر پارەكان دیار نامێنن، بۆ ئەو حاڵەتانەش خەڵك سكاڵا تۆمار دەكەن و كەسەكانیش دەستگیر دەكرێن".
 
دەربارەی ئەوەش كە ئایا راستە دەوترێت ئێستا هەندێك ئافرەتی ئێرانی هاتوونەتە سلێمانی و لەشێوەی باندن، وتەبێژەكەی پۆلیسی سلێمانی روونیكردەوە "كەس ناتوانێت كەس بخەڵەتێنێت ئەگەر هەماهەنگییەك لەلایەن بەرامبەرەوە نەبێت، بۆ نموونە ئەگەر كەسێك مەبەستی نەبێت ئافرەتێك دێتە بەردەم كۆمپانیاكەی دەریدەكات و نایباتە ژوورەوە".
 
هەروەها وتیشی "ئافرەتی ئێرانی كورد و فارسیش هاتوون، بەڵام چەندێك دەزگای ئەمنی لە ئەمنییەتی خەڵك بەرپرسە، ئەوەندەش خەڵك لەئەمنیەتی خۆی بەرپرسیارە، ئەوانەی دزی و لەشفرۆشی بكەن دەستگیركراون



created by Avesta Group and powered by Microsoft Azure