لەئۆپراسیۆنێکدا ژمارەیەک چەکداری داعش کوژران

هەواڵ / عێراق :: 03/03/2019‌ :: 143‌ جار بینراوە

دواڕۆژ، عیماد جەباری

لەباشوری رۆژئاوای کەرکوک هێزە سەربازییەکانی عێراق لەئۆپراسیۆنێکدا ژمارەیەک چەکداری داعشیان کوشت.

جەودەت عەسافی وتەبێژی لیوای 16 ی حەشدی تورکمانی (ئەمڕۆ یەکشەممە 3ی ئازار) بەدواڕۆژی راگەیاند: لەگوندی حجلی سەر بەناحیەی ریاز هێزێکی تایبەتی میحوەری باکوری حەشد ئۆپراسیۆنێکی تایبەتیان دژ بەگروپێکی داعش ئەنجامداوەو لەئۆپراسیۆنەکەدا 4 چەکداری داعش کوژراون.

 

دوێنێش ئەندامێكی ئەنجومەنی پارێزگای ئەنبار رایگەیاند: چەكدارانی داعش لەبیابانەكانی ئەنبار بڵاوبوونەتەوە و ئاماژەشی بەوەكرد كە حكومەتی عێراق نازانێت ژمارەی ئەو چەكدارانە چەندە.

عید عەمماش بەئاژانسی هەواڵی روسیای وتووە: "داعش بەردەوامە لەهێرشەكانی بۆ سەر خەڵكی سڤیل لە بیابانەكانی ئەنبار و ناوە ناوەش بۆمبی چێنراو لەسەر رێگەی هاتوچۆی كاروانی هێزە ئەمنییەكان دادەنێت".

ئەو ئەندامەی ئەنجومەنی پارێزگای ئەنبار داواشی كرد: هێزە ئەمنییەكان چالاكییەكانی خۆیان چڕ بكەنەوە بۆ لەناوبردنی ئەو داعشانە كە حكومەتیش نازانێت ژمارەیان چەندە چۆن دێنە ناو خاكی عێراقەوە.

 

پێداچوونەوە: ئارام غەفور



created by Avesta Group and powered by Microsoft Azure