شۆفێرانی تەکسی گردبوونەوەیه‌ك ئه‌نجامده‌ده‌ن

هەواڵ / کوردستان :: 03/03/2019‌ :: 437‌ جار بینراوە

تاگ :: حکومەت

دواڕۆژ، رەڤەند گوھەرزی

لە بەرامبەر بریارێکی وەزارەتی ناوخۆ (ئەمرۆ شەممە ٣ی ئازار) بەشێک لە شۆفێرانی تەکسی لە بەردەم بینای قایمقامیه‌تی پارێزگای دھۆک گردبوونه‌وه‌. 


وەڵات دھۆکی، شۆفێری تەکسی و ھاوکات ماموستا لە خوێندنگەیەکی ئەو شارە بە دواڕۆژ راگەیاند: داوا دەکەین ئەو بریارە جێبه‌جێ نه‌كرێت، چونکە كاری تەکسی لە دھۆک لە دەستی ئێمە دەرھێناوه‌و دراوه‌ به‌ کەسانی بیانی.

وتیشی: "ئەو بریارەی وەزارەتی ناوخۆ زیانێکی زۆر بە ئێمەی شۆفێرانی تەکسی گەیاندووە، ئێستا خەڵکی موسڵ و دەوروبه‌ری دێنە دھۆک بە نرخێکی ھەرزان تەکسیەکانمان دەکڕن و دەیبەن".

ئاماژە بەوەشکرد: پێش بڕیارەکە ئۆتۆمبێلی تەکسی لە جۆری (سەنی) بە ١٢ هەزار دۆلار بووە، ئێستا بە نۆ هەزار دۆلارە.

وەڵات راشیگەیاند: زانیاریم ھەیە خەڵکی شەنگالیش ئێستا لە دھۆک تەکسی دەکڕن، بۆیە وەکو ماموستایەک داوا دەکەین ئەو بریارە ھەڵبوەشێنرێتەوەو جێبەجێ نەکرێت.

پێداچوونەوە: ئیحسانی مەلا فوئاد



created by Avesta Group and powered by Microsoft Azure