ئێران و هیندستان.. نەوت بەرامبەر شەكر

هەواڵ / ئابوری :: 03/03/2019‌ :: 370‌ جار بینراوە

دواڕۆژ، ئازوو محەمەد


بەهۆی ئەوەی ناتوانێت پارەی نەوت لە هیندستان وەربگرێتەوە، حكومەتی ئێران رێككەوتنێكی بازرگانی لەگەڵ نیودلهی ئیمزا دەكات و لەبەرامبەر نەوتدا، شەكر لەو وڵاتە وەردەگرێت.

وێبسایتی بلۆمبێرگ لە راپۆرتێكدا باس لەوەدەكات، حكومەتی ئێران ناتوانێت ئەو بڕە روپێیەی (پارەی هندی) لەبەرامبەر فرۆشی نەوت، لە هیندستان وەرگرتووە، خەرج بكات.
ئەو بڕە پارە وەرگیراوە لە هیندستان لەبەرامبەر نەوتدا لە بانكەكانی وڵاتانی باشووری رۆژهەڵاتی ئاسیادایە و تاران ناتوانێت خەرجی بكات.

ئەمە لەكاتێكدایە كۆگاكانی هیندستان لە شەكر هەڵچنراوە و هیند بڕیاریداوە لەبەرامبەر نەوت شەكر بداتە ئێران و ئەمەش مامەڵەیەك ئاڵووێرییە تا رادەیەك دڵەڕاوكێی هەردوو وڵاتی كەمكردووەتەوە.

هیندستان یەكێك لەو وڵاتانەیە كە لە چوارەچێوەی بەخشینی ئەمریكا لەگەمارۆكانی سەر ئێران، دەتوانێت لەو وڵاتە نەوت بكڕێت.

پێداچوونەوە: ئارام غەفور 



created by Avesta Group and powered by Microsoft Azure