گرتنا ماسییان هات قه‌ده‌غه‌كرن

هەواڵ / کوردستان :: 01/03/2019‌ :: 259‌ جار بینراوە

دواڕۆژ، دهۆك


به‌رپرسه‌كێ ژینگه‌هێ ل سنوورێ پارێزگه‌ها دهۆك ده‌مێ قه‌ده‌غه‌كرنا گرتنا ماسییان ل دهۆك راگه‌هاند كو سێ مه‌هان دێ به‌رده‌وامبیت.


مقه‌ده‌م سیهامه‌ددین عه‌لى، به‌رپرسێ راگه‌هاندنا هێزا پێشمه‌رگه‌یێن پاراستنا ژینگه‌هێ ل دهۆك بۆ دواڕۆژ گۆت: "ئه‌ڤرۆ 1-ێ ئادارێ تا 1-ێ حۆزه‌یرانا ئه‌ڤ ساله‌، گرتنا ماسییان ب هه‌موو ره‌نگان دێ هێته‌ قه‌ده‌غه‌كرن و هه‌ر كه‌سه‌ك نێچیرا ماسییان بكه‌ت دێ هێته‌ گرتن و سزادان".

ناڤبۆرى خوه‌یاكر: "ئه‌ڤرۆ وه‌زێ قه‌ده‌غه‌كرنا گرتنا ماسییان  دێ ده‌ستپێكه‌ت، له‌ورا دێ تیمێن وان یێن دووچڤوونێ ل هه‌موو سنوورێ پارێزگه‌ها دهۆك دووڤچوونا وان كه‌سان كه‌ن یێن نێچیرا ماسییان دكرن".

ده‌ر‌باره‌ى سكرێ مووسل ژى زه‌لالكر: "نوكه‌ پێشمه‌رگه‌یێن پاراستنا ژینگه‌هێ دشێن بتنێ ل به‌شه‌كێ سكرێ مووسل دووڤچوونا ماسیگران بكه‌ن، چنكو ئالیێ رۆژئاڤایێ سكرى له‌شكه‌رێ ئیراقێ لێهه‌یه‌".

لدووڤ یاسایا ژماره‌ 8 یا ژینگه‌هێ یا سالا 2008-ێ سه‌رپێچكارێن گرتنا ماسییان دهێنه‌ گرتن و سزادان.

پێداچون: ئاهه‌نگ حسێن



created by Avesta Group and powered by Microsoft Azure