یاسایێن كوردستانێ تنێ بوو هه‌ژارانه‌؟

هەواڵ / چاوی تۆ :: 27/02/2019‌ :: 203‌ جار بینراوە
فه‌وزى به‌هجه‌ت عه‌بدوڵـڵا

فه‌وزى به‌هجه‌ت عه‌بدوڵـڵا

حوكمه‌تا هه‌رێما كوردستانێ به‌رده‌وامه‌ ل سه‌ر بریارێن خوو  یێن رژد و تایبه‌ت ل فه‌قیر و هه‌ژاران دگریت و نها بریاره‌ك ده‌رخستیه‌ نابیت فه‌رمانبه‌ر كارێ شوفێریا (ته‌كسیێ) بكه‌ت. چوونكى خودان موچه‌یه‌ و نابیت دوو كاران ئه‌نجام بده‌ت.

فه‌رمانبه‌ر و پێشمه‌رگه‌ه و ئاسایش و پولیس و هتد ... موچێ وان (500) هزار دینارێن عیراقى نه‌ و موچێ وان زوور كێمه‌ و پێدڤیێن رووژانه‌ ب وى موچى په‌یدا نابن و كه‌ل و په‌رلێن خارنێ و جلوبه‌رگ و پێداویستیێن ژیانێ زوورن و دڤێت كاره‌كێ  دگه‌ل وى موچه‌ى بكه‌ت دا ژین و ژیارا خوو باش بكه‌ت و وه‌كى كه‌سێن دى بژین.

بوچ یاساییێن مه‌ تنێ ل بێ ده‌ستهه‌لاتان دگرن؟
 ئه‌رێ بووچ ئه‌ڤ بریاره‌ ل (نوژداران) ناگریت كو نوژدار موچێ وى یێ كێم ملیونه‌كێ پتره‌ و سپێدێ ل نه‌خوشخانێ كاردكه‌ت و ئێڤارى ل محه‌لى كاردكه‌ت و ب شه‌ڤ ژى ل نه‌خوشخانێن تایبه‌ت نشته‌گه‌ریا ئه‌نجام دده‌ن، به‌لكو سێ كاران پێكڤه‌ ئه‌نجام دده‌ن به‌س بوو وان درسته‌ و نابیت فه‌رمانبه‌ره‌ك كارێ شوفێریا ته‌كسیێ بكه‌ت و ژیارا خوو باش بكه‌ت لێ دڤێت ئه‌ف بریاره‌ بو هه‌میان بیت تنێ یێ بێ موچه‌ و بێ كار لێ ئه‌ڤ بریاره‌ ل هنده‌ك كه‌سا دگریت و هنده‌كا ناگریت. 

نابیت پێشمه‌رگه‌ یان فه‌رمانبه‌ر دوو كاران بكه‌ت به‌لێ وه‌زیره‌ك دشێت دوو وه‌زاره‌تا ب رێڤه‌ ببه‌ت (وه‌زاره‌تا په‌روه‌ردێ، وه‌رزاره‌تا ئه‌وقافێ) ئێك كه‌س ب رێڤه‌ دبه‌ت كو موچێ وى كێم ژ (5) ملیونانه‌ د ئێك وه‌زاره‌ت دا و موچێ پێشمه‌رگه‌ه و فه‌رمانبه‌رى (500) هزارن، ئایا ئه‌ڤ بریاره‌ دێ ل ڤان كه‌سا ژى گریت كوو دوو كاران ئه‌نجام دده‌ن كو ل دوو جهێن حكومى كاربكه‌ت؟  

ئایا یاسا سه‌روه‌ره‌ یان كه‌سێن ده‌ستهه‌لات سه‌روه‌رن؟

یاسایێن مه‌ تنێ ل كه‌سێن بێ ده‌ستهه‌لات دگریت و یێ ده‌ستهه‌لات هه‌ى ژێ ناگریت. 



  • ڕۆژ
  • هەفتە
  • مانگ
created by Avesta Group and powered by Microsoft Azure