بۆ یەكەمجار سعودیە ژنێك دەكاتە باڵیۆزی وڵاتەکەی

هەواڵ / جیهان :: 24/02/2019‌ :: 233‌ جار بینراوە

تاگ :: جیهان

دواڕۆژ


عەرەبستانی سعودیە بۆ یەكەمجار و بە فەرمانێكی شایانە، ژنێكی كردە نوێنەری خۆی لەئەمریكا بەپلەی وەزیر و لەیەكەم كاردانەوەشدا ئەمیرە ریما سوپاسی دیوانی مەلەكی وڵاتەكەی كرد.

ریما كچی بەندەر بن سوڵتان بن عەبدولعەزیز رایگەیاند: سوپاسی ئەو متمانەیەی شاهانە دەكەم كە بەمنیان بەخشی و هەوڵی جددی دەدەم تا ولاتەكەم پێشبخەم.

دوێنێ لەفەرمانێكی شایانەدا دیوانی مەلەكی سعودیە ئەمیرە كچی بەندەر بن سوڵتانی وەك باڵیۆزی ریاز لەواشنتن دیاریكرد، لەشوێنی خالید بن سەلمان عەبدولعەزیز كە پێشتر وەك جێگری وەزیری بەرگری سعودیە دەستنیشان كرابوو.

ئەمیرە ریما بەكالۆریۆسی هەیە لە ئاداب لە كۆلێژی مۆنت ڤیرۆن لەزانكۆی جۆرج واشنتن لەئەمریكا ساڵی 1999.

پێش وەرگرتنی ئەم پۆستەی، ئەمیرە سوڵتان سەرۆكی یەكەی وەرزشی ئافرەتان بووە لەعەرەبستانی سعودیە، بەڵام لەساڵی 1984ەوە لەگەڵ خانەوادەكەی بەرەو ئەمریكا كۆچیان كردووە و لەگەڵ باوكی كاری دیپلۆماسی كردووە، كاتێك باڵیۆزی ریاز بووە لەئەمریكا.

ئەمیرە سوڵتان لەگەڵ باوكیدا توانیوێتی ئاشنا بێت بە 5 سەرۆك و 10 وەزیری دەرەوە و 11 راوێژكاری ئاسایشی نیشتمانی ئەمریكا و نزیك بووە لێیانەوە بەهۆی باوكیەوە.


گۆڤاری فۆربس لەلیستێكیدا ساڵی 2004 لەناو 200 ژنی بەهێزدا، ئەمیرە ریما بووەتە براوەی خەڵاتی محەمەد بن راشد لە بواری داهێنانی وەرزشیدا لە ساڵی 2017.

ئا: ئارم غەفور 

پێداچوونەوە: ئیحسانی مەلا فوئاد



created by Avesta Group and powered by Microsoft Azure