ئێسک و پروسکی ژنێک دۆزرایەوە

هەواڵ / کوردستان :: 23/02/2019‌ :: 1014‌ جار بینراوە
وێنەکە وەرگیراوە

دواڕۆژ، عەلی حەمەسەعید

وتەبێژی بەڕێوەبەرایەتی پۆلیسی پارێزگای هەڵەبجه ئاشکرایکرد، (ئێوارەی ئەمڕۆ شەممە)، لە شارۆچەی تەوێڵە ئێسک و پروسکی ژنێک دۆزرایەوە کە مێژووەکەی بۆ کۆڕەوەکەی بەهاری 1991 دەگەڕێتەوە.


ڕاید بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بەداڕۆژی ڕاگەیاند: ئێوارەی ئەمڕۆ لە (پێچی قڵاتەی شاتر) لە نزیک شارۆچکەی تەوێڵە، ئێسک و پروسک و جلوبەرگی ژنێک دوزراوەتەوە کە مێژووی گیانلەدەستدانی دەگەڕێتەوە بو کۆڕوەکەی بەهاری 1991.

ئاماژەی بەوەشکرد: تەرمی ژنەکە لە تەنیشت ڕێگاکەکەدا کراوە بەژێر  خۆڵەوەو پاش گەیشتی تیمی پزیشکی دادوەری و پولیسی تەوێڵەو ئێشكگری بەڕێوەبەرایەتی، بە بڕیاری دادوەری لێکوڵینەوە، ئێسک و پروسکەکەی ڕەوانەی پزیشکی دادی هەڵەبجە کراوه‌.

وتەبێژەکەی پۆلیسی پارێزگای هەڵەبجە ئەوەشی خستەڕوو: بەمەبەستی لێکۆڵینەوەی زیاتر پەڕاوی لێکۆڵینەوە ڕێکخراوە و تا ئێستا نازانرێت کەسوکاری ئەو ژنە کێن.

پێداچوونه‌وه‌: ئیحسانی مه‌لا فوئاد



created by Avesta Group and powered by Microsoft Azure