له‌ یادى سه‌ده‌ و ساڵێكى دڵدار-دا

هەواڵ / که‌لتور :: 21/02/2019‌ :: 390‌ جار بینراوە
دڵدار

تاگ :: رۆشنبیرى

دواڕۆژ

دڵدار، شاعیر و پارێزەر و چالاکوانی سیاسیی، ناوی تەواوی (یونس رەئوف مەحمود)ە. رۆژی 20ی شوباتی 1918 لە شاری كۆیە لەدایكبووە.


قۆناغەكانی خوێندنی لە كۆیە‌ و رانیە ‌و كەركوك ‌و بەغدا تەواوكردووە. ساڵی 1945 بڕوانامەی حقوقی لە زانكۆی بەغدا بەدەستهێناوە‌.

یەکەم شیعری لە ساڵی ١٩٣٥دا نووسیوە و لە ژمارەی ٢ی ساڵی ١٩٣٥ی گۆڤاری رووناکیدا بڵاویکردووتەوە.

دڵدار لە كۆتایی سییەكانی سەدەی رابردوودا تێكەڵاوی ژیانی سیاسی بووە ‌و لە بەغدا بووەتە ئەندامی حزبی هیوا. بەهۆی چالاكیی‌ سیاسییەوە زیندانیكراوە.

سەرباری خەباتی سیاسی، دڵدار لە مەیدانی ئەدەبیشدا رۆڵی خۆی گێڕاوە‌ و خاوەنی چەندین بەرهەمە لە دیارترینیان دیوانی شیعرەكانی ‌و یاداشتەكانیەتی. بەناوبانگترین شیعری (ئەی رەقیب)ە کە لە تەمەنی ٢٨ ساڵییدا و ٢ ساڵ پێش مردنی، کرا بە سروودی نیشتمانیی کۆماری كوردستان و تا ئێستایش وەک سروودی نیشتمانی ماوه‌ته‌وه‌.

به‌رهه‌مه‌ چاپكراوه‌كانى دڵدار-ى شاعیر بریتین له‌:
• فی طریقي الی معرفة الحقائق ـ انتقادات الی قلب البھائیین
• زمانی کوردی و ئەدەبیات
• نارکۆزی کۆمەڵایەتیمان
• اتصادنا الوطني
• بیرەوەریەکانی یونس ڕەئوف دڵدار

دڵدار لە تەمەنی 30 ساڵیدا و لە رۆژی١٢ی تشرینی دووەمی ساڵی 1948 لە شاری هەولێر کۆچی دواییکردووە.



  • ڕۆژ
  • هەفتە
  • مانگ
created by Avesta Group and powered by Microsoft Azure