چه‌ندین مه‌هێن هاریكاری ناگه‌هنه‌ ئاواره‌ و په‌نابه‌رێن كه‌مپێن دهۆك

هەواڵ / کوردستانی :: 20/02/2019‌ :: 130‌ جار بینراوە

دواڕۆژ، بورهان یه‌حیا

بۆردێ كاروبارێن مرۆڤایه‌تی ل دهۆك راگه‌هاند؛ چه‌ندین مه‌هێن مه‌هانه‌ حوكمه‌تا ئیراقێ چ هاریكاری بۆ كه‌مپێن ئاواره‌ و په‌نابه‌ران ل دهۆك نه‌هنارتینه‌ و رێكخراوێن جیهانی ژی هاریكاریێن خۆ كێم كرینه‌.


سالم سه‌عید به‌رپرسێ راگه‌هاندنا بۆردێ كاروبارێن مرۆڤایه‌تی ل دهۆك ئه‌ڤرۆ (چارشه‌مب 20 شوات 2019) بۆ دواڕۆژ رۆهنكر" چه‌ندین مه‌هێن هاریكاریێن وه‌كو ئاهێن خوارنێ و نه‌فت ژلایێ حوكمه‌تا ئیراقێ بۆ كه‌مپێن ئاواره‌ و په‌نابه‌رێن سنۆرێ پارێزگه‌هێ ناهێن و رێكخراوێن جیهانی وه‌كو WFP ژی كۆژمه‌یێ وی پاره‌یێ مه‌هانه‌ بۆ هه‌ر كه‌سێكێ‌ ئاواره‌ و په‌نابه‌ر به‌رامبه‌ر ئاهێن خوارنێ دمه‌زاخت كێم كرینه‌ و ئه‌ڤه‌ كێشه‌ بۆ ڤان وه‌لاتییان په‌یدا كرینه‌ و ئه‌گه‌ر به‌رده‌وام بیت دێ كاریگه‌ریێن خۆ یێن نه‌رێنی پتر دیاركه‌ت".

خویاكر" رێكخراوێن جیهانی دیاركرینه‌ كو چه‌ندین سال ژ چێكرنا ڤان كه‌مپان ده‌ربازبوون و هه‌تا نوكه‌ كێم نه‌بووینه‌ و ئه‌وێن تێدا نه‌ڤه‌گه‌ریانه‌ سه‌ر جهێن خۆ و ئه‌ڤه‌ بۆ وان بارگرانییه‌كێ ژلایێ پێشكێشكرنا هاریكارییان په‌یدا دكه‌ت  و ئێدی نه‌شێن بۆ سالێن درێژ لسه‌ر ڤان هاریكارییان به‌رده‌وام بن به‌لكو پێدڤییه‌ كار بۆ ڤه‌گه‌راندنا ڤان خێزانان بۆ جهێن وان یێن سه‌ره‌كی بكه‌ین".

ل سنۆرێ پارێزگه‌ها دهۆك 21 كه‌مپ هه‌نه‌ كو 4 یێن په‌نابه‌رێن رۆژئاڤا كوردستانێ نه‌ و 17 یێن ئاواره‌یێن ئێزدی ژ شنگال و ب 600 هزار كه‌س تێدا دژین و پارێزگه‌ها دهۆك ژی شیانێن پێشكێشكرنا هاریكارییان بۆ ڤان كه‌مپان نینه‌.



  • ڕۆژ
  • هەفتە
  • مانگ
created by Avesta Group and powered by Microsoft Azure