لەمەودوا بەرکەوتووانی چەکی کیمیایی بەبێ پاسپۆرت رەوانەی ئێران دەکرێن

هەواڵ / کوردستان :: 18/02/2019‌ :: 352‌ جار بینراوە

دواڕۆژ، عەلی حەمەسەعید


بەمەبەستی کارئاسانی زیاتر  و بە لەبەرچاوگرتنی دۆخی تەندروستی و ئابورییان، لەمەودوا بەبێ پاسپۆرت بەرکەوتووانی چەکی کیمیایی لە هەڵەبجە رەوانەی ئێران دەکرێن.


ئازاد تۆفیق، پارێزگاری هه‌ڵه‌بجه‌ به‌دواڕۆژی راگه‌یاند: دوای‌ ئه‌وه‌ی به‌سه‌ردانێكی فه‌رمی بانگهێشتی پارێزگای كرماشان له‌كۆماری ئیسلامی ئێران كرابووین، چه‌ند كۆبونه‌وه‌یه‌كی گرنگمان لەگەڵ پارێزگاری کرماشان و بەرپرسانی دیکەی ئەو پارێزگایە ئەنجامدا، دواجار توانیمان رەزامەندی لایەنی ئێرانی وەربگرین کە لەمەودوا بەرکەوتووانی چەکی کیمیایی هەڵەبجە بەبێ پاسپۆرت سەردانی پارێزگای کرماشان بکەن.

وتیشی: "رۆشتنی بەرکەوتووانی چەکی کیمیایی بۆ پارێزگای کرماشان تەنیا بە مەبەستی وەرگرتنی چارەسەری تەندروستی دەبێت چونکە لەو پارێزگایەدا چەند نەخۆشخانەیەکی پێشکەتوو هەن کە دەتوانن چارەسەری پێویست بدەنە بەرکەوتووانی چەکی کیمیایی".

پارێزگاری هەڵەبجە ئەوەشی خستەڕوو: ئێمە یاداشتێکی 11 خاڵیمان ئامادەکردبوو کە خۆی لەبوارەکانی گەشتیاری و بازرگانی و کۆمەڵایەتی دەبینییەوە، بەڵام لەدوای کۆبوونەوەمان لەگەڵ لایەنی ئێرانی، یاداشته‌كه‌ كرایه‌ 14 خاڵ ئەوەش بە لەبەرچاوگرتنی هەڵکەوتەی شوێنی جوگرافی پارێزگاکانی هەڵەبجە و کرماشان.

پ: ن.ر



  • ڕۆژ
  • هەفتە
  • مانگ
created by Avesta Group and powered by Microsoft Azure