تویتەر تویتێكی خامنەیی دەسڕێتەوە

هەواڵ / جیهان :: 17/02/2019‌ :: 290‌ جار بینراوە

تاگ :: جیهان

دواڕۆژ


دوو رۆژ پاش بڵاوكردنەوەی، بەڕێوەبەرایەتی تۆڕی كۆمەڵایەتی تویتەر تویتێكی عەلی خامنەیی ڕابەری شۆڕشی ئیسلامی سڕییەوە. 

تویتەر دەڵێت: "خامنەیی لەو تویتەیدا فەتوایەكی پێشووی خومەینی بڵاوكردووەتەوە كە خوێنی نووسەر سەلمان روشدی حەڵاڵ دەكات و ئەمەش وای لە چالاكەكان كرد لای تویتەر سکاڵا بكەن". 

لێپرسراوێكی تویتەر دەڵێت: "دەبوو ئەو ئەكاونتە دابخەین، بەڵام بڕیارماندا تویتەكە بسڕینەوە و بڵاوكردنەوەكە رابگرین چونكە ئەو تویتە لەگەڵ بنەماكانی ئێمەدا ناگونجێت چونكە لای ئێمە بڵاوكردنەوەی هەڕەشە و ئازاردانی جەستەیی و كوشتن دژی هیچ كەسێك بڵاوناكرێتەوە".

مانگی شوباتی ساڵی 1989 ئایەتوڵـڵا خومەینی فەتوای حەڵاڵكردنی خوێنی نووسەری بریتانی سەلمان روشدی دەركرد.

بەهۆی بڵاوكردنەوەی كتێبەكەیەوە بە ناوی (ئایەتە شەیتانییەكان) كە دامەزرێنەری كۆماری ئیسلامی ئێران بە سوكایەتیپێكردنی ئیسلامی لەقەڵەمیدا، خومەینی لەو فەتوایەیدا خەڵاتێكی بۆ هەركەسێك دانا كە سەلمان روشدی بكوژێت كە بڕەكەی 2.8 ملیۆن دۆلار بوو، راشیگەیاند: هەركەسێك لە هەوڵی كوشتنی سەلمان روشدیدا بكوژرێت شەهیدە و دەچێتە بەهەشت. 

پ: ك. س



created by Avesta Group and powered by Microsoft Azure