گەشتێکی بەغدا-سلێمانی دواکەوت

هەواڵ / کوردستان :: 12/02/2019‌ :: 4005‌ جار بینراوە

دواڕۆژ

بەهۆی لەکارکەوتنی فڕۆکەیەکەوە گەشتێکی ئاسمانی لە فڕۆکەخانەی بەغدا-وە بۆ سلێمانی دواکەوت.

سەرچاوەیەک لە فڕۆکەخانەی بەغدای نێودەوڵەتییەوە (ئەمشەو سێشەممە 12ی شوباتی 2019) بە دواڕۆژی راگەیاند: گەشتی فڕۆکەیەکمان بۆ شاری سلێمانی بەهۆی کێشەیەکی هونەرییەوە دواکەوتووە.

وتیشی: "چاوەڕوان دەکرا فڕۆکەکە لە کاتژمێر شەشی ئەمشەو بفڕێت، بەڵام گەشتەکە دواکەوت و بەرپرسانی فڕۆکەخانەش گەشتیارانی ئاگادارکردووەتەوە کە فڕۆکەیەکی دیکە ئامادەدەکرێت و کاتژمێر نۆی ئەمشەو دەفڕێت".

ئاماژەی بەوەشدا: تەواوی گەشتیارەکان سەلامەتن و چاوەڕێ دەکەن فڕۆکەیەکی دیکە ئامادەبێت و بگەڕێنەوە بۆ سلێمانی.

ئا: ن. ر



  • ڕۆژ
  • هەفتە
  • مانگ
created by Avesta Group and powered by Microsoft Azure