پڕۆژه‌یه‌كێ ساخله‌میێ ب نیڤ ملیۆن یۆرۆیان ل دهۆك هاته‌ ڤه‌كرن

هەواڵ / ئابوری :: 11/02/2019‌ :: 138‌ جار بینراوە

دوارۆژ، بورهان یه‌حیا


رێڤه‌به‌رییا گشتییا ساخله‌مییا پارێزگه‌ها دهۆك ب پشته‌ڤانییا چه‌ند لایه‌نێن ئه‌ورۆپى پڕۆژه‌یێ چاڤدێرییا ناڤین ب كۆژمه‌یێ زێده‌ترى 438 هزار یۆرۆیان ل نه‌خۆشخانه‌یا ته‌نگاڤییان ل دهۆك ڤه‌كر.


د. نزار عسمه‌ت، رێڤه‌به‌رێ گشتیێ ساخله‌مییا دهۆك د كۆنگره‌یه‌كێ رۆژنامه‌ڤانى دا راگه‌هاند "پرۆژه‌یێ‌ چاڤدێرییا ناڤین ل نه‌خۆشخانه‌یا ته‌نگاڤییان ل دهۆك‌ هاته‌ ڤه‌كرن و ئه‌ڤه‌ ته‌مامكه‌رێن پرۆژه‌یێن به‌ری نوكه‌نه‌ یێن پشته‌ڤانییا ئێكه‌تییا ئه‌رۆپا و هه‌ڤكارییا ئیتالیی و بجهئینانا رێكخراوا AISPO هاتینه‌ ئه‌نجامدان بۆ چێكرنا چه‌ندین هۆلێن نشته‌گه‌ری و جهێن بێهنڤه‌دانی بۆ وه‌لاتییان و نه‌خۆشان".

دیاركر" ئه‌ڤ پرۆژه‌ ب ناڤێ‌ بهێزكرنا خزمه‌تێن چاڤدێرییا چڕ و قورتالكرنێ‌ یه‌ بۆ وان نه‌خۆشێن بۆ نه‌خۆشخانه‌یا ته‌نگاڤیان دهێنه‌ ره‌وانه‌كرن و ده‌زگه‌هێ‌ ئیكۆ یێ‌ ئێكه‌تییا ئه‌ورۆپا پشته‌ڤانی كریه‌ و رێكخراوا AISPO یا ئیتالی پرۆژه‌ بجهئینایه‌".

د. نزار خویاكر "ئه‌ڤ پرۆژه‌ د ده‌مێ 12 مه‌هان دا هاتییه‌ ئه‌نجامدان ب كۆژمه‌یێ‌ 438 هزار و 653 یورویان و ژ‌ پێنج ته‌ختان بخوه‌ڤه‌ دگریت و چێكرنا چار وێستگه‌هێن هاوارهاتنا بله‌ز 122 ل ده‌ڤه‌را ئامێدیی ب تایبه‌ت ل نێزیكی وان جهێن دبنه‌ ئارمانجێن بوردومانكرنێ‌ و جهێن ئاواره‌ و په‌نابه‌ر لێ‌ هه‌ین، داكو بشێین خزمه‌تێن ساخله‌میێ‌ یێن باشتر پێشكێش بكه‌ین".



  • ڕۆژ
  • هەفتە
  • مانگ
created by Avesta Group and powered by Microsoft Azure