میسرییەکان لە چیدا یەکەمن؟

هەواڵ / جیهان :: 04/02/2019‌ :: 218‌ جار بینراوە

تاگ :: جیهان

دواڕۆژ
ئەنجومەنی نەتەوەیی دانیشتوان لە میسر رایگەیاند ساڵانە لە میسر 2.5 ملیۆن منداڵ لەدایك دەبن كە ژمارەیەكی زۆر گەورەیە و هەر 47 دەوڵەتەكەی ئەوروپا پێكەوە تەنیا 5 ملیۆن منداڵ لە ساڵێكدا لەدایك دەبێت.


دكتۆر عەمر حەسەن بڕیاردەری ئەنجومەنی ناوبراو لە لێدوانێكدا رایگەیاند لە 75 ساڵی رابوردودا ژمارەی دانیشتوانی میسر بە رێژەی 300% زیادی كردووە.

بەپێ‌ی داتاكان، لە ناوەڕاستی پەنجاكاندا ژمارەی دانیشتوانی میسر نیوەی ژمارەی دانیشتوانی ئیتالیا بووە، بەڵام ئێستا دوو هێندەی ژمارەی دانیشتوانی ئیتالیایە.

هەرچەندە كۆمەڵێك دەزگا و رێكخراوی تایبەت بە میسر چالاكییەكانیان تەرخان كردووە بۆ چارەسەركردنی كێشەی ژمارەی دانیشتوان بەڵام تائێستا رێژەی منداڵ خستنەوە لە میسردا زۆر بەرزە و دابونەریت و كەلتووری میسر بەجۆرێكی لێ‌ هاتووە كە پێویستە حكومەتی میسر رێوشوێنی توندتر بگرێتە بەر ئەگەر تا كێشەی ژمارەی دانیشتوان كارەساتی ئابووری و كۆمەڵایەتی گەورە بەسەر میسردا دەهێنێت.






  • ڕۆژ
  • هەفتە
  • مانگ
created by Avesta Group and powered by Microsoft Azure