سەردانی لێكۆڵەرە نێودەوڵەتیەكەی دۆسییەكەی خاشقچی بۆ توركیا سوودی هەبوو؟

هەواڵ / جیهان :: 04/02/2019‌ :: 180‌ جار بینراوە

تاگ :: جیهان

دواڕۆژ
خاتوو كالاماری بڕیاردەری نێودەوڵەتی تایبەت بە كوشتنی نایاسایی لە ماوەی رابوردوودا سەردانی توركیای كرد بۆ لێكۆڵینەوە لەسەر تاوانی كوشتنی رۆژنامەنووسی سعودی جەمال خاشقچی و لەو سەردانەیدا كە هەفتەیەكی خایاند چاوی بە كۆمەڵێك لێپرسراوی پەیوەندیدار بەو دۆسییەوە كرد كە لەسەرەتای مانگی كانوونی یەكەمی ساڵی رابوردوو لەناو قونسوڵخانەی سعودیە لە ئیستەمبوڵ روویدا. 

ئاژانسەكانی هەواڵ دەڵێن خاتوو كالامار راپۆرتەكەی پێشكەش دەكات بە ئەنجوومەنی مافەكانی مرۆڤ كە سەر بە نەتەوە یەكگرتووەكانە.

بەڵام كالامار نەیشاردەوە كە هەست بە هەندێ‌ نائومێدی دەكات چونكە تەواوی ئەو زانیارییانەی دەست نەكەوتووە كە داوای كردون.

ئەمەش مانای وایە ئەنقەرە هەندێك زانیاری لەو لێكۆڵەرە شاردووەتەوە.

ئیسماعیل یاشا كە رۆژنامەنووسێكی ناسراوە و نزیكە لە حكومەتی ئەنقەرەوە دەڵێت: "ئەنقەرە ناتوانێت هەموو ئەو زانیارییانەی كە لایەتی پێشكەشی لێكۆڵەرێك بكات كە بە دەستپێشخەری خۆی هاتووە نەك بە فەرمانی نەتەوە یەكگرتووەكان".

یاشار دەڵێت: "ئەگەر تیمەكەی كالامار دەسەڵاتی هەبوایە لێپرسینەوە لە تۆمەتبارەكان بكات، بەدڵنیاییەوە حكومەتی توركی هەموو بەڵگەنامەكانی پێشكەش دەكرد".



created by Avesta Group and powered by Microsoft Azure